नेपालका सबै खेलाडी र प्रशिक्षक स्वस्थ

कान्तिपुर संवाददाता

काठमाडौँ — विश्वव्यापी कोरोना भाइरस(कोभिड–१९)को प्रकोप फैलिँदै गइरहेका बेला राष्ट्रिय खेलकुद परिषदले आफू मातहतका सबै खेलाडी, कर्मचारी तथा प्रशिक्षकहरु स्वस्थ रहेको बताएको छ । 



राखेपले एक विज्ञप्ति जारी गर्दै अहिलेसम्म नेपालका खेलाडी, प्रशिक्षक तथा कर्मचारीमा कुनै प्रकारको स्वास्थ्य समस्या नभएको बताएको हो ।


राखेपले एकसाताअघि सबै कार्यालय, कर्मचारी, खेलाडी तथा प्रशिक्षकहरुलाई आफ्नो स्वास्थ्य अवस्थाबारे जानकारी गराउन आग्रह थियो ।

प्रकाशित : चैत्र २४, २०७६ १४:०६
प्रतिक्रिया
पठाउनुहोस्
ADVERTISEMENT
ADVERTISEMENT

सुत्केरी व्यथा लागेको ४ दिनपछि उद्धार

हरि गौतम

रुकुम पूर्व — सुत्केरी व्यथा लागेको ४ दिनपछि एक गर्भवतीको उद्धार भएको छ । पुथाउत्तरगंगा गाउँपालिका–२, हिमकी गर्भवतीको ३१ वर्षीया रमिता झाँक्रीको हेलिकोप्टरद्वारा उद्धार गरिएको हो ।

२ हप्ताअघि नै स्वास्थ्यमा सामान्य समस्या आएकी उनी ४ दिन यता सिकिस्त बनेकी थिइन् । गर्भवती सिकिस्त हुँदै गएपछि सोमबार हेलिकोप्टरमा नेपालगञ्ज पठाइएको स्थानीय सरिता बुढामगरले जानकारी दिइन् । सुरुमा चिसोका कारण बिसञ्चो होला भनेर वास्ता नगरिएको र व्यथा लागेपछि हेलिकोप्टर मगाइएको उनले बताइन् ।

संघीय सरकारको महिला बालबालिका तथा ज्येष्ठ नागरिक मन्त्रालयको राष्ट्रपति महिला उद्धार कोषमार्फत सुत्केरीको उद्धार गरिएको प्रतिनिधिसभा सदस्य कमला रोकाले बताइन् । जिल्ला प्रशासन र मन्त्रालयसँगको समन्वयमा उद्धार गरिएकी झाँक्रीलाई नेपालगञ्जस्थित कोहलपुर मेडिकल कलेजमा भर्ना गरिएको रोकाले जानकारी दिइन् । उनको गाउँ पुग्न सडक पुगेको ठाउँदेखि २ दिन पैदल हिँड्नुपर्छ ।

प्रकाशित : चैत्र २४, २०७६ १३:५९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×