एपीएफका खेलाडी पुनः ड्युटीमा- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

एपीएफका खेलाडी पुनः ड्युटीमा

नमिता दाहाल

काठमाडौँ — कोभिड १९ को प्रकोपले सम्पूर्ण खेलकुद कार्यक्रम बन्द भएपछि सशस्त्र प्रहरी बल (एपीएफ) का खेलाडी आ–आफ्नो ड्युटीमा फर्किएका छन् । 

कुनै पनि खेलकुद कार्यक्रम नभएपछि गृह मन्त्रालयको आदेशअनुसार बुधबारदेखि खेलाडीलाई ड्युटीमा फर्काइएको हो ।


बुधबार सम्पूर्ण खेलाडीलाई ड्युटीमा बोलाइएको थियो भने बिहीबार सागमा समावेश भएका खेलाडीलाई ड्युटीमा नबोलाउने भनिएको उच्च स्रोतले बताएको छ ।


राष्ट्रिय महिला टोलीकी सर्वाधिक गोलकर्ता सावित्रा भण्डारी दुवै दिन ड्युटीमा गइन् । ‘बुधबार र बिहीबार ड्युटीमा आयौं, भर्खरै मात्रै सागमा समावेश खेलाडीलाई नबोलाउने जानकारी दिइएको छ,’ उनले भनिन् ।

प्रकाशित : चैत्र २०, २०७६ १७:१४
प्रतिक्रिया
पठाउनुहोस्

क्रिकेट खेलाडी संघ नेपाल र एनसीसीएस ग्रुपले ४ लाख ६२ हजार सहयोग गर्ने

नमिता दाहाल

काठमाडौँ — कोभिड–१९ को नियन्त्रणका लागि क्रिकेट खेलाडी संंघ नेपाल(सीपीएएन) र एनसीसीएस ग्रुपले सरकारको कोरोना रोकथाम कोषलाई ४ लाख ६२ हजार रुपैयाँ सहयोग प्रदान गर्ने भएको छ । 

सोमबार एक विज्ञप्ति जारी गर्दै क्रिकेट खेलाडी संंघ नेपालले उक्त जानकारी दिएको हो । यस वर्ष क्रिकेट क्षेत्रमा उत्कृष्ट विशेष पाँच विधा (वर्ष क्रिकेट खेलाडी महिला र पुरुष, वर्ष उदियमान क्रिकेट खेलाडी, वर्ष उत्कृष्ट क्षण र लाइफटाइम अचिभमेन्ट अवार्ड) मा दिने भनेर छुट्याइएको निश्चित रकम हाल कोरोना नियन्त्रणका लागि सहयोग स्वरुप सरकारलाई दिन लागिएको हो । सम्पूर्ण खेलाडीहरुलाई नेतृत्व गर्दै उक्त रकम प्रदान गर्न लागिएको हो ।


त्यस्तै यस कार्यक्रमको अर्को संस्करण आगामी वर्ष (सन् २०२१) आयोजना गरिने समेत विज्ञप्ति मार्फत जानकारी दिइएको छ ।

प्रकाशित : चैत्र १७, २०७६ १५:०५
पूरा पढ्नुहोस्
प्रतिक्रिया
पठाउनुहोस्
×