ट्‍वान्टी–२० वरीयतामा नेपाल यथावत

कान्तिपुर संवाददाता

काठमाडौँ — अन्तर्राष्ट्रिय क्रिकेट काउन्सिल (आईसीसी) को ट्‍वान्टी–२० वरीयतामा नेपाल यथावत १५ औं स्थानमा रहेको छ । आईसीसीले मंगलबार सार्वजनिक  गरेको नयाँ वरीयतामा नेपाल १५ औं स्थानमा रहेको छ भने एकदिवसीय अन्तर्राष्ट्रिय वरीयतामा भने नेपाल १६औं स्थानमा रहेको छ ।

यसअघि तीन स्थान ओरालो लाग्दै १५औं स्थानमा पुगेको नेपाल हाल पनि सोही स्थानमा रहेको छ । एसिया कप छनोटअन्तर्गत इस्टर्न रिजनमा खराब प्रदर्शनका कारण नेपाल तीन स्थान तल ओर्लेको थियो । यसअघि नेपालले ट्वान्टी–२० तालिकाको सबैभन्दा माथिल्लो स्थान भने ११ औं स्थान रहेको थियो । यस्तै तालिकाको शीर्ष स्थानमा पाकिस्तान, दोस्रोमा अस्ट्रेलिया, तेस्रोमा इङ्ल्यान्ड, रहेका छन् ।

प्रकाशित : चैत्र १२, २०७६ २३:१०
प्रतिक्रिया
पठाउनुहोस्

चौबिसै घण्टा स्वास्थ्य सामग्री पुर्‍याउन मेडिकल आपूर्ति संघको अपिल

कान्तिपुर संवाददाता

काठमाडौँ — स्वास्थ्य सामग्री व्यवसायीहरुको संगठन रसायन तथा मेडिकल आपूर्ति संघ नेपालले देशभरका हरेक अस्पताल र स्वास्थ्य संस्थाहरुमा चौबीसै घण्टा आवश्यक स्वास्थ्य सामग्री आपूर्ति गर्न र संघमा आवद्ध व्यवसायी र कर्मचारीहरुलाई अपिल गरेको छ ।

साथै संघले आवश्यकता अनुसार मर्मत संभारको कार्य गर्ने व्यवस्था मिलाउन पनि भनेको छ ।
संघका अध्यक्ष सुरेश घिमिरेले बुधबार एक विज्ञप्ति जारी गर्दै कोभिड–१९ भाइरसको समस्यासँग जुध्न आफ्नो सामर्थ्यले भ्याएसम्म हरेक स्वास्थ्य संस्थामा सामग्री आपूर्तिको व्यवस्था मिलाउन सम्पूर्ण व्यवसायीहरुलाई अपिल गरेका हुन् ।

'हामीले आफ्नो सामर्थले भ्याएसम्म हरेक अस्पताल र स्वास्थ्य संस्थामा चौबीसै घण्टा आवश्यक स्वास्थ्य सामाग्री गर्नु पर्नेछ,' उनको अपिलमा भनिएको छ । सेवा प्रदान गर्दा आवश्यक दूरि कायम गर्न र सुरक्षाका उपाय अवलम्बन गर्न पनि संघले अनुरोध गरेको छ । कोभिड–१९ बाट बच्‍न सरकारले चालेका कदमहरुको संघले पूर्ण समर्थनका साथ स्वागत पनि गरेको छ ।

प्रकाशित : चैत्र १२, २०७६ २२:४५
पूरा पढ्नुहोस्
प्रतिक्रिया
पठाउनुहोस्
×