मेसीले बार्सिलोनालाई जोगाए- खेलकुद - कान्तिपुर समाचार

मेसीले बार्सिलोनालाई जोगाए

(एएफपी)

बार्सिलोना — भारको मद्दतले प्राप्त विवादास्पद पेनाल्टीलाई लियोनल मेसीले गोलमा परिणत गरेपछि बार्सिलोनाले स्पेनी ला लिगामा शनिबार राति रियल सोसिडाडलाई १–० ले हराएको छ ।

यो जितले कम्तीमा बार्सिलोनाको उपाधि होड यात्रा ठीक स्थानमा रह्यो । यस सिजन मेसीले गरेको यो २४ औं व्यक्तिगत गोल रह्यो । यस्तै पछिल्ला पाँच खेलमा चौथो गोल पनि रह्यो ।


गत साता एल क्लासिकोको रियल म्याड्रिडविरुद्धको खेल गुमाएपछि बार्सिलोनामा निराशा छाएको थियो । शनिबारको अर्को महत्त्वपूर्ण खेलमा एटलेटिको म्याड्रिड र सेभियाले २–२ को बराबरी खेले ।

लिग तालिकामा बार्सिलोना ५८ अंकसहित शीर्ष स्थानमा छ र एक खेल कम खेलेको रियलको ५६ अंक छ । यस्तै सेभिया ४७ अंकमा तेस्रो स्थानमा रहेको छ ।


प्रकाशित : फाल्गुन २५, २०७६ ०७:५२
प्रतिक्रिया
पठाउनुहोस्

लिभरपुलको अविजित यात्रामा पूर्णविराम

(एएफपी)

लन्डन — इंग्लिस प्रिमियर लिगमा लिरभपुलको अपराजित ४४ खेलको यात्रामा शनिबार राति पूर्णविराम लागेको छ । उसलाई रेलिगेसनबाट बच्‍न संघर्षरत वाटफोर्डले ३–० ले हरायो ।

युरोपेली च्याम्पियनविरुद्ध इस्माइला सारले दुई गोल गरे भने एक गोल ट्रोय डेनीको नाममा रह्यो । यो हारले ३० वर्षयता अपराजित रहेर लिग उपाधि जित्ने लिभरपुलको सपना समाप्त भएको छ ।

लिभरपुल लिगमा अन्तिम पटक सन् २०१९ को जनवरीमा पराजित भएको थियो । यो हारका बाबजुत योर्गन क्लोपको लिरभपुल लिग तालिकाको शीर्ष स्थानमा अझै २२ अंकले अगाडि छ ।

शीतकालीन विश्रामपछि लिभरपुलले राम्रो गर्न सकिरहेको थिएन । च्याम्पियन्स लिगमा एटलेटिको म्याड्रिडविरुद्धको खेल गुमाएको लिभरपुलले घरेलु लिगमा नरविच र वेस्ट ह्यामविरुद्ध प्राप्त गरेको जित पनि प्रभावशाली रहेको थिएन ।
शनिबारकै अन्य खेलमा वेस्ट ह्यामले साउथह्याम्पटनलाई ३–१ ले हरायो । यस्तै चेल्सी र बर्नमाउथले २–२ तथा न्युकासल र बर्नलीले ०–० को बराबरी खेले ।

यी नतिजापछि वाटफोर्डले रेलिगेसन क्षेत्र छाडेको छ र २७ अंकसहित १७ औं स्थानमा उक्लेको छ । पुछारका तीन स्थानमा बर्नमाउथ, एस्टन भिल्ला र नरविच रहेका छन् ।

प्रकाशित : फाल्गुन १८, २०७६ ०७:३४
पूरा पढ्नुहोस्
प्रतिक्रिया
पठाउनुहोस्
×