बुढासुब्बा गोल्डकप : मनाङ उपाधि नजिक

विजेता मनाङले अब उपाधीका लागि विभागीय टोली नेपाल पुलिस र मच्छिन्द्र क्लबबीचको विजेतासँग भिड्‌ने छ । मनाङ्का लागि पाहुना टोलीलाई घर पठाउन विमल राना र खेलका म्यान अफ द म्याच दयानन्द सिंले सुन्दर गोल गरेका थिए ।

विमलले खेलको १९ औं मिनेटमा कमल श्रेष्ठले गरेको कर्नर प्रहारलाई सदुपयोग गर्दै हेडमार्फत् युके एफसीविरुद्ध पहिलो गोल गरेर १–० ले अग्रता दिलाएका थिए ।

ए डिभिजन सुपर लिगमा तेस्रो स्थान बनाएको मनाङका लागि दोस्रो गोल खेलको इन्जुरी समयमा दयानन्द सिंले गरेका थिए । उनले रन्जन विष्टका पासमा सुन्दर गोल गर्दै उपाधिको दाबेदार निश्चत बनाएका थिए ।

बिहीबार अन्तिम सेमिफाइनल खेल नेपाल पुलिस र मच्छिन्द्र क्लबबीच हुनेछ ।