आइरिस क्रिकेटर केभिन ओ'ब्रायन पुन: काठमाडौं किंग्समा

नेपाली क्रिकेटप्रेमीसामु परिचित रहेका ओ'ब्रायन सन् २०१८ मा काठमाडौं किंग्सबाटै ईपीएल खेलेका थिए । उनी त्यस संस्करणमा ७ खेलमा ९ विकेट लिँदै प्रतियोगितामै सबैभन्दा बढी विकेट लिने खेलाडी थिए । साथै प्रतियोगितामा सबैभन्दा बढी रन बनाउने पनि उनी नै थिए ।

केभिन ओ'ब्रायन सन् २००६ देखि आइरिस टोलीको महत्वपूर्ण सदस्य रहेका छन् । उनले आयरल्यान्डबाट तीन वटा एकदिवसीय र ५ वटा टी-२० विश्‍वकप क्रिकेटमा सहभागिता जनाएका छन् ।

काठमाडौं किंग्सका सीईओ राजजंग थापाले ओ'ब्रायन विश्‍वस्तरीय खेलाडी भएको र उनको नेतृत्व र खेलकौशलले टिमले उत्कृष्ट प्रदर्शन गर्ने विश्‍वास व्यक्त गरेका छन् ।

एभरेष्ट प्रिमियर लिग आउँदाे मार्च १४ देखि त्रिवि क्रिकेट मैदानमा सुरु हुनेछ ।