लिभरपुलको कीर्तिमानी जित
लिभरपुल — लिभरपुलले इंग्लिस प्रिमियर लिगमा सोमबार राति कीर्तिमानी १८ औं जित आत्मसात् गरेको छ । यसका लागि लिग तालिकाको शीर्ष स्थानमा रहेको लिभरपुलले पछाडि रहेको स्थिति उल्टाएर वेस्ट ह्यामलाई ३–२ ले हरायो ।
जर्जिन्हो विजनाल्डमको गोलले लिभरपुलले अग्रता लिएपछि इसा डिपले बराबरी गोल फर्काए । त्यसपछि पाब्लो फारनाल्सले वेस्ट ह्यामलाई सनसनीपूर्ण अग्रता दिलाए । तर लुकास फाबिन्कीको गम्भीर भूलमा मोहम्मद सलाहले गोल गरे र खेल २–२ को बराबरीमा आयो ।
मानेले खेल सकिन नौ मिनेट अगाडि लिभरपुलको पुनरागमनको औपचारिकता पूरा गर्न विजयी गोल गरे । यो जितपछि लिभरपुल दोस्रो स्थानमा रहेको म्यानचेस्टर सिटी भन्दा २२ अंकले अगाडि रहेको छ । यससँगै लिरभपुलले सिटीकै नाममा रहेको लगातार १८ खेलको जित यात्रा पनि बराबरी गरेको हो ।
साडियो मानेले निर्णायक गोल गरे । योर्गन क्लोपको टिमले अक्टोबर २० मा अन्तिम पटक म्यानचेस्टर युनाइटेडविरुद्ध बराबरी खेलेको थियो । वेस्ट ह्यामविरुद्ध एनफिल्डमा भएको खेलमा पनि लिभरपुलमाथि यही डर उत्पन्न भएको थियो । प्रकाशित : फाल्गुन १३, २०७६ ०७:२४