म्याड्रिड — युरोपेली च्याम्पियन लिभरपुललाई हराएर उत्साहित एटलेटिको म्याड्रिडले आइतबार राति स्पेनी ला लिगामा महत्त्वपूर्ण जित निकालेको छ । आइतबार एटलेटिकोले भिल्लारियललाई ३–१ ले हरायो ।
त्यस खेलमा चोटबाट मुक्त भएका जाओ फेलिक्सले उत्कृष्ट पुनरागमन गरे र सेप्टेम्बरयतन पहिलो गोल गरे । वान्डा मेट्रोपोलिटानामा प्राप्त यो जितपछि एटलेटिकोको ४३ अंक भएको छ । जितसँगै एटलेटिको तेस्रो स्थानमा उक्लिएको छ ।