रोहितको टिम फाइनलमा चुक्यो

रोहितले पूरा समय खेलको फाइनलमा र्युजी उतोमोले ३१ औं मिनेटमै रातो कार्ड पाएपछि पर्सिजा ३१ औं मिनेटमै १० खेलाडीमा सीमित भएको थियो । पर्सिजाले क्रोएसियन फरवार्ड मार्को सिमिचको गोलमा पहिलो हाफ १–१ मा टुंग्याएको थियो । तर, दोस्रो हाफमा पर्सेवायले तीन गोल थप्दै उपाधि प्रि–सिजनको उपाधि कब्जा गर्यो ।

पर्सिजाले सेमिफाइनलमा मडुरा युनाइटेडलाई २–१ ले हराएको थियो । उसले समूह चरणमा पर्सेला लमोनगनलाई ४–१ र मलेसियाको सबाह एफएलाई २–० ले पराजित गरेको थियो । अरेमाविरुद्ध १–१ को बराबरी गर्दै पर्सिजा समूह विजेता भएको थियो । रोहितले सबाहविरुद्ध एक गोल गरेका थिए ।

तीन वर्ष निरन्तर जकार्तामै रहेका रोहितले गत महिनामात्रै पर्सिजासँग दुई वर्षे सम्झौतामा हस्ताक्षर गरेका थिए । अघिल्लो सिजनको च्याम्पियन पर्सिजा इन्डोनेसियन लिग वान २०१९ को दसौंमा रहेको थियो । सन् २०२० को सिजन फेब्रुअरी २९ मा सुरु हुँदैछ ।