पुलिस क्वाटर फाइनलमा

खेलको पहिलो हाफको २८ मिनटमा नेपाल पुलिसका बुद्धबहादुर तामाङले पहिलो गोल गरेका थिए । खेलको ३८ औं मिनेटमा सेन्टर क्लेजका रमेश बर्तौलाले हेड गोल गर्दै खेललाई बराबरीमा पुर्याएका थिए ।

सेकेन्ड हाफको ३ मिनटमा पुलिसका सुजन एक्खाले गोल गर्दै टिमलाई पुनः अग्रता दिलाएका थिए । सेकेन्ड हाफकै ३७औं मिनटमा पुलिसकै बुद्ध तामाङले अर्को गोल गरेका थिए । खेलको म्यान अफ दी म्याच पुलिसका तेज तामाङ भए ।

राइनो क्ल्बको आयोजनामा पूर्वी नवलपरासीको मध्यविन्दु नगरपालिका २ स्थित राइनो मैदानमा फागुन पहिलो सातादेखि प्रतियोगिता भइरहेको छ । शुक्रबार क्वाटर फाइनलमा विजेता टिम नेपाल पुलिस क्लब र अर्को विजेता विजय युथ क्लब हेटौंडाबीच हुने संयोजक विष्णु अधिकारीले जानकारी दिए ।

राइनो फुटबल प्रतियोगितामा विभागीय टिमसहित ‘ए’ डिभिजनका फुटबल क्लबहरु गरी १० टिमको सहभागिता रहेको छ ।

दुर्लभ एकसिंगे गैंडा संरक्षणका लागि सचेतना फैलाउने उद्देश्यले नवलपुरमा विगत १६ वर्षदेखि आयोजना गरिँदै आएको हो । प्रतियोगिताका विजेताले १० लाख, उपविजेताले ५ लाख र शिल्ड तथा ट्रफी पुरस्कार पाउनेछन् । कोल्हुवामा रहेको राइनो क्लबले खेल आयोजना गरेको हो ।