राइनो कप फुटबल : इन्द्रेणी विजयी

इन्द्रेणी एकीकृत विकास केन्द्र पोखरा र अभिषेक चर्च रजहरबिच भएको खेलमा इन्द्रेणीले–२ का विरुद्ध ५ गोल गर्दै अभिषेक चर्च रजहरलाई पराजित गरेको छ । खेलको पहिलो हाफमा इन्द्रेणी एकीकृत विकास केन्द्रका खेलाडी रोशन रानाले पहिलो गोल गरेका थिए । खेलको ३४ औं मिनेटमा इन्द्रेणी कै रमेश मगरले एक गोल थपेका थिए । इन्द्रेणीकै सुमित श्रेष्ठ, अनिस तामाङले पुनः गोल थपेपछि इन्द्रेणीले ५ गोल आफ्नो कब्जामा जमाउन सक्यो । पूर्वी नवलपरासी रजहरमा रहेको चर्चित अभिषेक चर्च भने २ गोलमै सिमित रहन पुग्यो ।

बुधबारको खेल झापा ११ र एफसी विजय युथ एकेडमी हेटौंडाबिच फुटबल भिडन्त हुने आयोजक नन्द भाउजु वन उपभोक्ता समितिका अध्यक्ष दोमन भण्डारीले जानकारी दिए, प्रतियोगितामा १० टिमको सहभागिता रहेको छ । विश्वकै दुर्लभ एकसिंगे गैंडा संरक्षणका लागि जनसचेतना फैलाउने उद्देश्यले नवलपुरमा विगत १६ वर्षदेखि फुटबल प्रतियोगिता आयोजना गरिँदै आएको छ । प्रतियोगिताको विजेताले १० लाख र उपविजेताले ५ लाख रुपैयाँ पाउने छ ।

कोल्हुवामा रहेको नन्द भाउजु मध्यवर्ति वन उपभोक्ता समितिले खेल आयोजना गरेको हो । मंगलबारको खेल हेर्न ४ हजारभन्दा बढि दर्शक भेला भएको आयोजकको दाबी छ ।