एसीसी इस्टर्न ट्‍वान्टी-२० छनोटका लागि नेपाली टवली घोषणा

कान्तिपुर संवाददाता

काठमाडौँ — नेपालले थाइल्यान्डमा हुने एसीसी इस्टर्न ट्‍वान्टी–२० छनोटका लागि १४ सदस्यीय अन्तिम टोली घोषणा गरेको छ । एसीसी इस्टर्न ट्‍वान्टी–२० छनोट फेब्रुअरी २९ बाट सुरु हुँदै छ । 

ZenTravel

Meroghar

ज्ञानेन्द्र मल्लको कप्तानीमा रहेको नेपाली टोलीमा दीपेन्द्रसिंह ऐरी (उपकप्तान), पारस खड्का सन्दीप लामिछाने, विनोद भण्डारी, आरिफ शेख, करण केसी, अविनाश बोहरा, कुशल मल्ल, सुसन भारी, पवन सर्राफ, सन्दीप जोरा, किशोर महतो र भुवन कार्की छन् । बुधबार सम्पन्न क्रिकेट विश्वकप लिग २ खेलेको टोलीबाट सुवास खकुरेल, रोहितकुमार पौडेल, कमलसिंह ऐरी र ललितनारायण राजवंशीको स्थानमा पवन, सन्दीप जोरा, किशोर र भुवनलाई राखिएको छ । टोली प्रशिक्षकमा जगत टमाटा, भिडियो एनालिस्टमा रमन सिवाकोटी, फिजियोमा विक्रम न्यौपाने र व्यवस्थापकमा माधवकुमार कर्माचार्य छन् । उमेश पटुवालले राजीनामा दिएपछि टमाटालाई पुनः नेपालको प्रशिक्षकमा ल्याइएको हो ।

अगस्टमा मलेसियामा एसिया कपको छनोटका रूपमा रहेको प्रतियोगितामा नेपालले आफ्नो समूहमा चीन, थाइल्यान्ड र मलेसियासँग प्रतिस्पर्धा गर्ने कार्यक्रम थियो । तर कोरोना भाइरस संक्रमणका कारण चीनले प्रतियोगिताबाट आफ्नो नाम फिर्ता लिइसकेको छ ।

पूर्वघोषित तालिकाअनुसारको अर्को समूहमा हङकङ, म्यानमार, सिंगापुर र भुटान छन् । फाइनलमा पुग्ने दुई टोलीले एसिया कप छनोटमा चार राष्ट्रसँग प्रतिस्पर्धा गर्नेछन् । वेस्टर्न रिजनको फाइनलमा पुग्ने अर्को दुई टोलीले पनि एसिया कप छनोटमा खेल्नेछ ।

प्रकाशित : फाल्गुन ३, २०७६ ०८:५५
ADVERTISEMENT
प्रतिक्रिया
पठाउनुहोस्
ADVERTISEMENT

कर्मचारी सरुवाले पालिकाहरू समस्यामा

विनोद भण्डारीे

(विराटनगर) — फागुन १० मा गाउँसभा गर्ने तयारी गरेको मोरङ  मिक्लाजुङ गाउँपालिकाले एकाएक सभा सार्ने निर्णय गर्‍यो । कारण संघीय मामिला तथा सामान्य प्रशासन मन्त्रालयले गाउँपालिकासँग समन्वय नै नगरी प्रमुख प्रशासकीय अधिकृतको सरुवा गर्नु ।

‘तत्कालीन अधिकृत प्रमोदकुमार सिंहले सभाको तयारी गरिरहेका थिए’ गाउँपालिका प्रमुख देवी आचार्यले भने ‘अचानक उनको सरुवा पत्र आएपछि तयारी नपुग्दा सभा नै रोकियो ।’ नयाँ अधिकृतमा लोचन दाहाल बुधवार आइपुगेका छन । आचार्यका अनुसार दाहालले यहाँको अवस्था बुझेर तयारी थालेपछि फेरी सभाको मिती तोक्ने तयारी छ ।

प्रमुख प्रशासकीय अधिकृतको सरुवाका कारण यो गाउँपालिकाको काम कारवाही प्रभावित भएको जनप्रतिनिधिले सम्हालेको अढाई वर्षको अवधीमा यो पहिलो पटक होइन । यो अवधिमा ६ जना अधिकृत फेरिएका छन् । यसले गर्दा गाउँपालिकाको काम प्रभावित हुदै आएको छ । उनीहरू छोटो समयमा सरुवा हुँदा गाउँपालिकाका योजना सञ्चालन, बजेट परिचालन, प्रशासनिकलगायत सबै गतिविधि ठप्प हुने गरेको आचार्यको भनाई छ ।

प्रदेश १ को एकमात्र महानगरपालिका विराटनगरमा पनि अढाई वर्षको अवधिमा पाँच पटक प्रमुख प्रशासकीय अधिकृत सरुवा भइसकेका छन । १० महिनाअघि आएका प्रमुख प्रशासकीय अधिकृत एकदेव अधिकारीको साताअघि सरुवा भएको सूचना सार्वजनिक भएलगत्तै मन्त्रालयले सरुवा पुनः रोक्यो ।

महानगरले माघ अन्तिम साता नगर सभागर्ने तयारी गरेको थियो । ‘प्रमुख प्रशासकीय अधिकृतको सरुवाको सूचनाले सभा रोकियो’ महानगर प्रमुख भीम पराजुलीले भने ‘महानगर सम्हालेको अढाई वर्षमा मन्त्रालयले समन्वय नै नगरी पाँच पटक प्रमुख प्रशासकीय अधिकृतको सरुवा गर्दा पटक पटक महानगरका गतिविधि ठप्प भएका छन् ।’

सरुवा भएर आएका अधिकृतलाई महानगरको वस्तुस्थिति बुझनै एक महिना लाग्ने गरेको उनले सुनाए । ‘एक महिनापछि बल्ल काम गर्न सुरु हुन्छ, तर ६ महिना नबित्दै सरुवा पत्र आउँछ’ पराजुलीले भने ‘त्यसपछि आउने अधिकृतलाई पनि वस्तु स्थिति र अधिल्लाले गरेका कामको अवस्था बुझन एक महिना लाग्छ ।’ छिटो छिटो सरुवाले महानगरका सबै गतिविधि प्रभावित हुँदै आएको उनले बताए ।

मोरङकै लेटाङ नगरपालिकामा पनि जनप्रतिनिधि आएयता ६ जना प्रमुख प्रशासकीय अधिकृत फेरिएका छन । त्यस अवधिमा एक प्रशासकीय अधिकृतको त हाजिर भएको १५ दिन नबित्दै सरुवा पत्र आएको नगरप्रमुख शंकर राईको भनाइ छ । आफूले नगरपालिका सम्हाल्दा नारायण न्यौपाने प्रमुख प्रशासकीय अधिकृत थिए । उनी चार महिनामा सरुवा भए । त्यसपछि पुण्य पौडेल आए ।

उनको पनि ६ महिनामा सरुवा भयो । राईले भने पौडेलपछि हरी चापागाईं आए । उनको पछि आधा वर्षमै सरुवा भयो । चापागाईंपछि प्रदीप सिंह आए । उनी हाजिर भएको १५ दिनमै सरुवा पत्र आयो । त्यसपछि ध्यानबहादुर थापा आए । उनको पनि चाँडै सरुवा भयो । महिनाअघि अच्युत दाहाल आएका छन् ।

सुन्दर हरैचा नगरपालिकामा अढाई वर्षमा ६ पटक प्रशासकीय अधिकृतको सरुवा भएको छ । चाँडो सरुवा भएर आएका अधिकृत सरकारका केही व्यक्तिको इसारामा चल्दा काम प्रभावित भएको प्रमुख शिवप्रसाद ढकालले बताए । कटहरी गाउँपालिकामा पाँच पटक प्रशासकीय अधिकृत फेरिएको प्रमुख रामकुमार कामतको गुनासो छ ।

मोरङमा एक महानगर, आठ नगरपार आठ गाउँपालिका छन । प्रमुख प्रशासकीय अधिकृतको सरुवा आतंकले विकास निर्माण गतिविधि प्रभावित हुदै आएको जिल्ला समन्वय समिति सभापति नरेश पोखरेलको बुझाई छ । अधिकृतहरूको छिटोछिटो सरुवा हुँदा र जनप्रतिनिधिहरूले आफूलाई शासक ठान्दा जिल्लाका स्थानीय तहमा विकासले गति लिन नसकेको पोखरेलको दाबी छ ।

प्रकाशित : फाल्गुन ३, २०७६ ०८:५३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×