म्यानचेस्टर सिटी च्याम्पियन्स लिगबाट प्रतिबन्धित

अब सिटीले सन् २०२०–२१ र २०२१–२२ को सिजनमा च्याम्पियन्स लिग खेल्न पाउने छैन् । यूईएफएले इंग्लिस प्रिमियर लिग क्लब सिटीमाथि तीन करोड डलर जरिवाना पनि लगाएको छ ।

सिटीले यूईएफएको यो निर्णयविरुद्ध ‘कोर्ट अफ आर्बिटेसन फर स्पोर्टस’ मा अपिल भने गर्न पाउने छ । सिटीले यो निर्णयबाट आफूहरू अचम्ममा नपरेको र अपिल गर्ने बताइसकेको छ ।

सिटीले सन् २०१२ देखि २०१६ बीच क्लबको प्रायोजन र लेखा परीक्षणबारे अनुसन्धान गर्न खोज्दा सहयोग गरेको थिएन् । यूईएफएको यो निर्णयपछि सिटीले घरेलु प्रिमियर लिगमा पनि कारबाहीस्वरूप अंक गुमाउन सक्नेछ ।