ए डिभिजन लिग : एनआरटीलाई हराउँदै थ्रीस्टार शीर्ष तीनमा

नमिता दाहाल

ललितपुर — एनआरटीलाई १–० ले पराजित गर्दै थ्रीस्टार ए डिभिजन लिगको शीर्ष तीनमा उक्लिएको छ । 

ZenTravel

मंगलबार एन्फा कम्प्लेक्समा भएको खेलको पहिलो हाफसम्म गोलरहित भएको थियो। खेलको ७७ औं मिनेटमा दिपेश घलेले थ्रीस्टारका लागि निर्णायक गोल गरे।

Meroghar

जितसँगै थ्रीस्टारले १२ खेलबाट २३ अंक जोडेको छ भने एनआरटीको समान खेलबाट १५ अंक रहेको छ। समान खेलबाट २९ अंकसहित त्रिभुवन आर्मी क्लब शीर्ष स्थानमा छ।

प्रकाशित : माघ २८, २०७६ १४:३९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

ए डिभिजन लिग : ब्रिगेड ब्वाइजलाई हराउँदै आर्मी शीर्ष स्थानमा

नमिता दाहाल

काठमाडौँ — ब्रिगेड ब्वाइज क्लबलाई हराउँदै त्रिभुवन आर्मी क्लब ए डिभिजन लिगको शीर्ष स्थानमा उक्लिएको छ । मंगलबार बिहान सातदोबाटोस्थित एन्फा कम्प्लेक्समा भएको खेलमा आर्मीले ब्रिगेड ब्वाइजलाई ३–० ले हराएको हो । 

आर्मीका लागि खेलको पाँचौं मिनेटमा कप्तान भरत खवासले पहिलो गोल गरेका थिए। योसँगै भरतले ए डिभिजन लिगमा आफ्नो गोल संख्या ५० पुर्याएका छन्। त्यस्तै खेलको ५४औं मिनेटमा विकास तामाङ र ७०औं मिनेटमा टेकबहादुर बुढाथोकीले आर्मीका लागि गोल गरेका थिए।

आर्मी १२ खेलबाट २९ अंकसहित शीर्ष स्थानमा रहेको छ। त्यस्तै दोस्रो स्थानमा रहेको मछिन्द्रको २८ अंक रहेको छ।


त्यस्तै उपाधि होडबाट बाहिरिसकेका मनाङ मर्स्याङ्दी र नेपाल पुलिस तथा थ्री स्टार र एनआरटी क्लबबीचको खेल मंगलबार नै हुँदैछ।

थ्री स्टार र एनआरटीको खेल सवा १२ बजेबाट सुरु हुन्छ भने मनाङ मर्स्याङ्दी र नेपाल पुलिसबीच साढे तीन बजेबाट खेल सुरु हुनेछ।

प्रकाशित : माघ २८, २०७६ ११:५५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×