ए डिभिजन लिग : हिमालयन शेर्पा विजयी
काठमाडौँ — ए डिभिजन लिग फुटबल अन्तर्गत शनिबार भएको खेलमा हिमालयन शेर्पा क्लबले च्यासल युथ क्लबलाई ३–२ गोलले पराजित गरेको छ ।
एन्फा कम्प्लेक्सको मैदान सातदोबाटोमा भएको खेलमा हिकालयनका लागि विजय गुरुङले २ र त्रिदेव गुरुङले १ गोल गरे । विजयले खेलको २८ औं र ५० औं मिनेटमा गोल गरे भने त्रिदेवले खेलको ३३ औ मिनेटमा गोल गरे ।
च्यासलका लािग हायातु वाकिनोले दुई गोल गरेपनि हार टार्न सकेनन् । जितसँगै शेर्पाले ११ खेलबाट १० अंक जोडेको छ । च्यासलको १२ अंक छ ।
प्रकाशित : माघ २५, २०७६ १५:५६