रोनाल्डोको दुई गोल
मिलान — क्रिस्टियानो रोनाल्डोको दुई गोलमा युभेन्ट्सले आइतबार राति इटालीको सिरी ए मा पार्मालाई २–१ ले हरायो र शीर्ष स्थानमा इन्टर मिलानमाथि चार अंकको अग्रता कायम राख्यो ।
यसअघि इन्टर पुछारतिर रहेको लेचेको हातबाट १–१ को बराबरीमा रोकिएको थियो । टुरिनमा भएको खेलमा रोनाल्डोले पहिलो हाफ अगाडि पहिलो गोल गरे ।
यो लिगमा उनको लगातार सातौं खेलमा गोल हो । पार्माले दोस्रो हाफमा आन्द्रेस कोरनेलिसको गोलमा खेलमा फर्कने प्रयास गरेपनि रोनाल्डोले आफ्नो दोस्रो गोल गर्दै त्यो सम्भावनालाई समाप्त पारे ।
प्रतिक्रिया