सेन्ट्रल जोन महिला भलिबलको उपाधि नेपाललाई 

नेपाली महिला भलिबल टिमले पहिलोपटक अन्तर्राष्ट्रिय उपाधि जितेको हो । यसअघि २०१४ मा काठमाडौंमा आयोजना भएको दक्षिण एसियाली आमन्त्रण महिला भलिबल च्याम्पियनसिपमा नेपालले रजत जितेको थियो ।

पहिलो संस्करणको एभीसी एसियन सेन्ट्रल जोन सिनियर महिला भलिबल च्याम्पियनसिपमा नेपालले अपराजति यात्रा राख्दै एक सेट पनि नगुमाई च्याम्पियन बनेको हो । माल्दिभ्ससँगको खेलामा नेपालले पहिलो,दोस्रो र तेस्रो सेटमा क्रमाश: २५-१३,२५-१२ र २५–८ को नतिजा निकालेको थियो ।

कात्तिक २३ गते सुरु भएको उक्त प्रतियोगितामा ५ मुलुकको सहभागिता थियो ।