स्टर्लिङ कारबाहीमा

(एएफपी)

लन्डन — म्यानचेस्टर सिटीका रहिम स्टर्लिङले युरो २०२० मा मोन्टेनेग्रोविरुद्ध हुने छनोटमा इंग्ल्यान्डका लागि नखेल्न भएका छन् । उनलाई अनुशासनको कारबाहीका रूपमा टिमबाट हटाइएको हो ।

लिभरपुलका जो गोमेजविरुद्ध झगडामा उत्रेपछि उनी समस्यामा परेका हुन् । स्टर्लिङले इन्स्ट्राग्राममा लेख्दै गोमेजसँग इंग्ल्यान्ड टिममा फर्कंदा मुखामुख भएको स्विकारेका छन् । यसअघि इंग्लिस प्रिमियर लिग लिभरपुलले सिटीलाई ३–१ ले हराउँदा पनि उनीहरूबीच विवाद भएको थियो ।

स्टर्लिङले भनेका छन्, ‘गोमेज र मबीच केही क्षण भनाभन भएको हो । अब कुरा मिलिसकेको छ र दुवै समस्या समाधान गरेर अगाडि बढ्न तयार छौं । हामी त्यस्तो खेलमा छौं, जहाँ भावनाले कुरा बिगार्ने गर्छ । त्यसमै बगेर मैले केही खराब गरें । अब हामीबीच कुनै प्रकारको गुनासो रहेन । मलाई लाग्छ, अब हाम्रो पूरा ध्यान मोन्टेनेग्रोविरुद्ध बिहीबार हुने खेलमा केन्द्रित हुनुपर्छ ।’

यसअघि डेली मेलले स्टर्लिङ झगडामा उत्रेको बारे लामो समाचार छापेको थियो । त्यसअनुसार सोमबार दुई खेलाडीबीच झगडाको स्थिति उत्पन्न भएको थियो । टिम क्यान्टेनमा स्टर्लिङले गोमेजको घाँटी समात्ने प्रयास गरेका थिए ।
यो समाचार बाहिर आएपछि इंग्ल्यान्ड व्यवस्थापक गारेथ बेलले स्टर्लिङविरुद्ध तत्काल कारबाही गरेका हुन् । मोन्टेनेग्रोविरुद्धको खेलमा विजयी रहे इंग्ल्यान्डले युरोको अन्तिम चरणको छनोट यात्रा निश्चित गर्नेछ ।

प्रकाशित : कार्तिक २८, २०७६ ०७:५१
ADVERTISEMENT
प्रतिक्रिया
पठाउनुहोस्

कृष्णको अग्रता

कान्तिपुर संवाददाता

काठमाडौँ — नेपालका क्यान्डिडेट मास्टर कृष्ण थापाले राजधानीमा भइरहेको मदन भण्डारी मेमोरियल एसियन एमेच्योर चेस च्याम्पियनसिपमा एक्लो अग्रता लिएका छन् । बुधबार आठौं चरणमा भारतका सुमित ग्रोभरसँग बराबरी खेलेका उनले सातौं चरणमा सजिन मर्हजनलाई हराएका थिए । कृष्णको ७ अंक हुँदा दोस्रो स्थानमा रहेका सुमितसँग साढे ६ अंक छ । सुमितले सातौं चरणमा सुशील चौधरीलाई हराएका थिए । 

नेपालका पुरुषोत्तम चौलागाईं र भारतका आर्नभ कुशहवाको ६ अंक छ । आठौं चरणमा दुवैले बराबरीको नतिजा सामना गरे । सातौं चरणमा आर्नभले रिजेन्द्र राजभण्डारी र पुरुषोत्तमले प्रकाश नेपालसँग बराबरी खेलेका थिए । सातौं चरण समाप्तिमा रिजेन्द्रसँग ५ अंक छ ।

१५ देशका कुल ८४ खेलाडी सहभागी प्रतियोगिता स्विस लिगको आधारको ९ चरणमा हुनेछ । विजेताले १ हजार ५ सय र उपविजेताले १ हजार अमेरिकी डलर पुरस्कार पाउने छन् ।

प्रकाशित : कार्तिक २८, २०७६ ०७:५०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×