बायर्न र युभेन्ट्स अन्तिम १६ मा
पेरिस — बायर्न म्युनिख र युभेन्ट्सले बुधबार राति युरोपेली च्याम्पिन्स लिगको अन्तिम १६ को यात्रा तय गरेका छन् । रोबर्टो लेवनडोस्कीले गोल गर्ने आफ्नो लय कायम राखेपछि बायर्नले ओलम्पियाकोजलाई समूह बी २–० ले हरायो ।
यसै समूहको अर्को खेलमा टोटनहमले एफके क्रभेनालाई ४–० ले पराजित गर्यो । समूह डी मा डगलस कोस्टाले इन्ज्युरी समयमा गोल गरेपछि युभेन्ट्सले लोकोमोटिभ मस्कोलाई २–१ ले पन्छायो ।
यसै समूहमा बायर लेभरकुजनले एटलेटिको म्याड्रिडमाथि २–१ को जित रच्यो । समूह ए मा पीएसजीले क्लब ब्रगलाई १–० र रियल म्याड्रिडले गालाटासारेलाई ६–० ले हरायो ।
समूह सी मा भने एटलान्टा र म्यानचेस्टर सिटीले १–१ तथा डायनामो जागरेभ र साख्तर डोनेस्कले ३–३ को बराबरी खेले ।प्रकाशित : कार्तिक २१, २०७६ १०:३९