ज्ञानोदय समूह विजेता

कान्तिपुर संवाददाता

रूपन्देही — रेन्बो ज्ञानोदय गोल्ड्सले मंगलबार सर्वोत्तम तिलोत्तमा प्रिमियर लिगमा समूह विजेता बनेको छ । लिग चरणको अन्तिम खेलमा लुम्बिनीलाई ९ विकेटले पराजित गर्दै ज्ञानोदय समूह ‘ए’ को विजेता बनेर सेमिफाइनलमा पुगेको छ ।

पहिले ब्याटिङ गर्दै लुम्बिनीले १ सय ९ रनको लक्ष्य ज्ञानोदयलाई छाडेको थियो । ज्ञानोदयले त्यसलाई १४ ओभरमै पूरा गर्‍यो । ज्ञानोदयको जितमा सुनील धमलाले ५० र सिद्धार्थराज शाहीले २९ रन जोडे । दुवै अविजित रहे । एक विकेटमा रूपमा गुमाएका शंकर रानाले २३ रन बनाए । लुम्बिनीलाई सस्तैमा रोक्न ज्ञानोदयका प्रतिश जिसीले १८ रन खर्चेर ३ विकेट लिए । कमल ओली र रोशन क्षत्रीले २–२ विकेट लिएका थिए । सिद्धार्थराज शाही र नवीन भट्टराईले १–१ विकेट लिए । ज्ञानोदयका सुनील धमला मोस्ट भ्यालुएबल प्लेयर बने भने ज्ञानोदयकै प्रतिश जिसीले म्यान अफ द म्याच घोषित भए ।

बुधबार समूह ‘बी’ उपविजेता पाल्पाली लिजेन्ड्सले समूह ‘ए’ विजेता रेन्बो ज्ञानोदय गोल्ड्स तथा दोस्रो खेलमा समूह ‘ए’ उपविजेता बुटवल युनाइटेडले समूह ‘बी’ को विजेता मणिग्राम किंग्सको सामना गर्नेछन् ।

प्रकाशित : कार्तिक ६, २०७६ ०८:२१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

चन्द्रागिरि गोल्डकप यसै महिना

कान्तिपुर संवाददाता

काठमाडौँ — चन्द्रागिरि मेयर गोल्डकप ‘ए’ डिभिजन फुटबलको तेस्रो संस्करण कात्तिक ३० देखि हुने भएको छ । दीपशिखा युवा समूहको आयोजनामा हुने प्रतियोगिता मंसिर ७ सम्म चल्नेछ । अखिल नेपाल फुटबल संघ एन्फाको नयाँ वर्गीकरणअनुसार ‘सी’ क्याटगोरीमा रहेको प्रतियोगितामा ८ देखि १० टिमको सहभागिता रहनेछ । 

सयोजक पूर्व राष्ट्रिय खेलाडी रमेश बुढाथोकीले १४ ‘ए’ डिभिजन क्लबलाई नै निमन्त्रणा पठाइएको बताए । आयोजकको दुई टिम रहनेछ । दीपशिखाको एउटा टिम र चन्द्रागिरि नगरपालिकाका १४ वटै वडा समेटेर एक टिम बनाइने संयोजक बुढाथोकीले जनाए । खेल पुरानो नैकापस्थित मैदानमा हुनेछ ।

चन्द्रागिरि नगरपालिकाको आर्थिक सहयोग रहने प्रतियोगिताको बजेट ५० लाख अनुमान गरिएको छ । नगरपालिकाका प्रमुख घनश्याम गिरीले प्रतियोगितालाई मैदान स्तरोन्नति गरिएको बताए । ‘प्यारापिट र शौचालयलगायतका संरचना निर्माण गरिएको छ, मैदानको स्तरोन्नतिका लागि यस आवमा प्रदेश र स्थानीय तहबाट करिब १ करोड बजेट आएको छ,’ मेयर गिरीले थपे, ‘अर्को संस्करणसम्म हामीले अन्तर्राष्ट्रियस्तरको रंगशाला बनाउने प्रयास गर्नेछौं ।’
चन्द्रागिरि गोल्डकपको पहिलो संस्करण ब्राइट युथ क्लबले गरेको थियो । दोस्रो संस्करणदेखि आयोजना जिम्मा लिएको दीपशिखाले यसपल्ट पुरस्कार राशिमा वृद्धि गरेको छ । उपाधि विजेताले ६ लाख ५० हजार र उपविजेताले ३ लाख ५० हजार रुपैयाँ पाउनेछन् । सर्वोत्कृष्ट खेलाडी र सर्वाधिक गोलकर्ताले समान ३० हजार पुरस्कार पाउनेछन् ।

प्रकाशित : कार्तिक ६, २०७६ ०८:२१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×