रियललाई हारको धक्का

(एएफपी)

म्याड्रिड — बार्सिलोना स्पेनी ला लिगाको शनिबार शीर्ष स्थानमा उक्लियो र यससँगै रियल म्याड्रिडमा तीतो हार पनि फर्केको छ । यसै सिजन मात्र बढुवा पाएको रियल मार्लोकाले उसलाई १–० ले हरायो ।

ZenTravel

रियल सन् २००६ मा मार्लोकाकै हातबाट पराजित हुँदा टिममा जिनेदिन जिदान, डेविड बेह्याम र रोबिन्हो जस्ता खेलाडी थिए। त्यसको १३ वर्षपछि रियल फेरि एकपल्ट सान मोइक्समा पराजित रहेको छ र यसको कारण रहे, जुनियर लागोको उत्कृष्ट गोल।

Meroghar

खेलको अन्त्यतिर रियल १० खेलाडीमा सीमित रह्यो र यसले टिमको खेलमा फर्कने सम्भावना अझ कमजोर बनायो। हारपछि प्रशिक्षक जिदानले भने, ‘रियलको समस्या के हो भने टिमले प्रत्येक पल्ट आफू राम्रो छ भनेर प्रमाणित गर्नु पर्छ।’

यसअघि बार्सिलोनाले विस्तारै उत्कृष्ट लयमा फर्कन थालेको प्रमाणित गर्दै आइबरलाई सजिलै ३–० ले हरायो। त्यसमा लियोनल मेसी, लुइस स्वारेज एन्टोन ग्रिजमनले गोल गरे।


प्रकाशित : कार्तिक ३, २०७६ ०७:३५
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

सिटी जितको लयमा

(एएफपी)

लन्डन — म्यानचेस्टर सिटीले क्रिस्टल प्यालेसलाई शनिबारको खेलमा २–० ले हरायो र राहत महसुस गर्‍यो । डिफेन्डिङ च्याम्पियनले लन्डनको भ्रमण गर्दा उसको खेलमाथि शंका कायम थियो ।

त्यसलाई निस्तेज पार्दै सिटीले पहिलो हाफमा दुई गोल गरे। ग्याब्रिएल जेससको गोलमा अग्रता लिएको सिटीका लागि डेविड सिल्भाले दोस्रो गोल थपे।

यसअघिका खेलमा चेल्सीले लेस्टर सिटीले बर्नलीलाई २–१, चेल्सीले न्युकासल युनाइटेडलाई १–० ले हरायो भने टोटनहम वाटफोर्डको हातबाट १–१ को बराबरीमा रोकियो।

प्रकाशित : कार्तिक ३, २०७६ ०७:३३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×