जेसिज विकास रनिङ सिल्ड : एपीएफ विजयी

कान्तिपुर संवाददाता

चितवन — जेसिज विकास रनिङ सिल्ड प्रतियोगिता अन्तर्गत शनिबार भएको खेलमा एपीएफ क्लबले झापा–११ लाई टाइब्रेकरमा पराजित गरेको छ ।

ZenTravel

निर्धारित समयमा दुवै टिमले गोलरहित बराबरी खेले। टाइब्रेकरका लागि भएको सुरुआत पेनाल्टी प्रहारमा दुवै टोलीको १–१ पेनाल्टीलाई गोलकिपरले रोके। सडन डेथका आधारमा झापा पराजित भएको हो।

Meroghar

क्वाटरफाइनलमा एपीएफले सोमबार विभागीय प्रतिद्वन्द्वी त्रिभुवन आर्मीसँग प्रतिस्पर्धा गर्नेछ। आर्मी बाइ पाएर सिधै क्वाटरफाइनल खेल्न लागेको हो। अर्को समूहबाट विभागीय टिम नेपाल पुलिस क्लब विजयी भई सेमिफाइनल पुगिसकेको छ।

नारायणगढ क्याम्पाचौरमा शनिबार दर्शक बाक्लो उपस्थित थियो। निर्धारित समयमा गोल नभएपछि टाइब्रेकरमा झापाका कप्तान दिलेन लोक्तमको प्रहार एपीएफका गोलरक्षक अमृत चौधरीले रोकेर खेल रोचक मोडमा ल्याए।

त्यसपछि एपीएफका सन्तोष कटुवालको प्रहार गोलरक्षक किशोर गिरीले रोकेर खेल बराबरी ल्याए। ४–४ गोल भएपछि सडनडेथमा जाँदा एपीएफका राजेन्द्र रावलको प्रहार गोलमा परिणत भयो भने झापाका सुरज बिकको प्रहार गोलरक्षक अमृतले बचाए।

अमृत चौधरी नै प्लेयर अफ द म्याच हुँदै १० हजार रुपैयाँ जित्न सफल भए।

त्यसअघि मध्यान्तरपछि ११ औं मिनेटमा एपीएफका रवि थिङको बल युवराज खड्काले नजिकैबाट प्रहार गरेको बल बाहिरियो। लगत्तै झापाका खेलाडीले एपीएफको पोस्ट तर्फ बढाएको बल नजिकैबाट प्रहार गरेका थिए। त्यो पनि पोस्टको दाहिने पोलको आडबाट बाहिरियो। खेलको निर्धारित समय सकिन लाग्दा एपीएफका बुद्धिमान राईको बलमा महेश लामाले प्रहार गरे। त्यो गोल हुन सकेन।

आइतबार जावलाखेल युथ र दार्जिलिङ युनाइटेडबीच प्रतिस्पर्धा हुनेछ।

प्रकाशित : कार्तिक २, २०७६ २०:४३
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बलिउडमा बढ्दो बायोपिक

कान्तिपुर संवाददाता

काठमाडौँ — प्रायः फिल्मले दर्शकलाई काल्पनिक संसारमा लगेर यसका चरित्र र घटनासँग साक्षात्कार गराउँछन् । त्यसैले पनि फिल्मलाई सृजनात्मक माध्यम मानिन्छ । तर कहिलेकाहीं फिल्मले वास्तविक घटना वा चरित्रका कथा पनि भन्ने गर्छ । 

जसलाई बायोपिक भन्ने गरिन्छ । बलिउडमा यतिबेला बायोपिकमार्फत् खेलाडी, कलाकार, नेता वा कुनै सहासिक, अप्रत्याशित घटनाबारेमा कथा भन्ने चलन बढेर गएको छ । सन् २०१९ सकिँदासम्म बलिउडमा एक दर्जन बायोपिक रिलिज हुने भएका छन् ।

सन् २०११ को अन्त्यतिर सिल्क स्मिथाको जीवनीमा आधारित फिल्म द डर्टी पिक्चर हिट भएपछि बायोपिकको पछिल्लो लहर बढेको मानिन्छ । विद्या वालन स्टारर डर्टी पिक्चरले बक्सअफिसमा पैसा मात्रै कमाएन, तीनवटा नेसनल अवार्डसमेत जितेको थियो ।
त्यसपछि २०१२ मा आएको अर्को बायोपिक पानसिंह तोमरले पनि त्यस्तै सफलता चाख्यो । २०१६ मा आउँदासम्म दंगल, एम एस धोनी : द अनटोल्ड स्टोरी, सर्वजित, निरजा गरी आधा दर्जनभन्दा बढी बायोपिकले नाम र दाम कमाए । गतवर्ष पनि बायोपिकको दबदबालाई कायम राख्दै प्याडम्यान, सञ्जु, गोल्डजस्ता फिल्म आए ।

यस वर्ष बायोपिकको लहर बलिउडमा झन् बढेर गएको छ । तर नतिजा भने मिश्रित देखिएको छ । वर्षको सुरुवात नै भारतीय पूर्वप्रम मनमोहन सिंहमाथि बनेको बायोपिक द एक्सिडेन्टल प्राइमिनिस्टर र गुन्डा नाइके बाल ठाकरेमाथि आधारित फिल्म ठाकरे दुवैले आशातीत सफलता पाउन सकेनन् ।

त्यसैगरी पीएम नरेन्द्र मोदी र द स्काई इज पिंक पनि फ्लप बायोपिकको सूचीमा परे । धन्न, मणिकर्णिका : द क्विन अफ झाँसी, सुपर ३०, गल्ली ब्वाई, मिसन मंगल, बाटला हाउस, उरी : द सर्जिकल स्ट्राइक, केशरीले बायोपिकको इज्जतलाई धाने । साँडकी आँख, पानीपत अझै रिलिज क्रममा छन् ।

द डर्टी पिक्चरका निर्देशक मिलन लुथरिया अहिलेका दर्शकले फिल्ममा पनि वास्तविकता हेर्न चाहेको बताउँछन् । भन्छन्, ‘दर्शकहरु त्यस्ता वास्तविक घटना वा चरित्रलाई हेरेर आफैं महसुस गर्न थालेका छन् ।’ तर फिल्म समीक्षक अजय ब्रहात्मज अहिले खासगरी खेल र व्यक्तिमाथि बनिरहेका बायोपिकप्रति खासै खुसी छैनन् ।

उनी भन्छन्, ‘खास अर्थमा बायोपिक बनेकै छैनन् । भीडले जे खोज्छ, त्यसैको पछि लागेर बायोपिकको नाममा मसला फिल्म बनाइरहेका छन् ।’ पुराना पत्रकार जयप्रकाश चौकसी पनि बायोपिक बनाउँदा वास्तविक कथासँग थोरै सम्झौता गरेर मसला हाल्नुपर्ने बाध्यता रहने बताउँछन् ।

उनले राजकुमार हिरानीले पनि सञ्जय दत्तको जीवनी भन्दै बनाएको सञ्जु सही अर्थमा बायोपिक नभई परीकथा भएको टिप्पणी गरे । चौकसीले यसरी फिल्म बनाएर बायोपिकमाथि अन्याय गरेको जिकिर गरे ।

प्रकाशित : कार्तिक २, २०७६ २०:२८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×