राज्यमन्त्रीको चियापान कार्यक्रममा सिलिन्डर विस्फोट

शुक्रबार दिउँसो सोनमा गाउँपालिकाको वडा नम्बर ८ स्थित श्री रारामावि सुकचैनामा आयोजित चियापान कार्यक्रममा ग्यास लिक भएर आगो लाग्दा चार जना घाइते भएको प्रहरीले जनाएको छ । ग्यासमा पोलेर सोनमा गाउँपालिका–८ का २५ वर्षीय सरोज कुमार यादव, २६ वर्षीय कौशल यादव, २६ वर्षीय रितेशकुमार यादव र १७ वर्षीय सन्तोष पासवान घाइते भएको इलाका प्रहरी कार्यालय गौशालाले जनाएको छ । घाइते ४ जनाको जनकपुरस्थित जानकी हेल्थ केयरमा उपचार भइरहेको छ । ग्यास चुल्हा बग्रिएर दुर्घटना भएको सोनमा गाउँपालिका–८ का वडाअध्यक्ष राजदेव प्रसाद यादवले बताए ।