पालुङ च्याम्पियन
हेटौंडा — पाँचौ संस्करणको केशवलाल श्रेष्ठ स्मृति जिल्लास्तरीय भलिबलको उपाधि थाहा नगरपालिकाको पालुङले जितेको छ ।
हटिया स्पोर्ट्स एकेडेमीको आयोजनामा हेटौंडा–१७ स्थित हटियामा भएको फाइनलमा पालुङले वज्रबाराहीलाई २५–२३, २५–२१, २६–२४ को सेटमा पराजित गर्यो । विजेताले ८० हजार र उपविजेताले ४० हजार रुपैयाँ पुरस्कार पाए । विजेताका सविन कार्की सर्वोत्कृष्ट खेलाडी घोषित भए । पालुङका सुशील लो उत्कृष्ट सेटर, किरण गिरी उत्कृष्ट ब्लकर र शंकर कार्की उत्कृष्ट प्रशिक्षक घोषित भए । बज्रबाराहीका बलराम सुवेदी उत्कृष्ट स्पाइकर भए । सबैले नगद पुरस्कार पाए ।
प्रतिक्रिया