रियल र बार्सिलोना दुवै विजयी

एएफपी

म्याड्रिड — करिम बेन्जेमाले दुई गोल गरेपछि स्पेनी ला लिगामा रियल म्याड्रिडले शनिबार लेभान्टेलाई ३–२ ले हरायो । त्यस खेलमा रियलका लागि एडेन हेजार्डले लिगमा डेब्यु पनि गरे ।

बार्सिलोनाले अर्को खेलमा भ्यालेन्सियालाई ५–२ ले पन्छायो । त्यसमा बार्सिलोनाका १६ वर्षीय खेलाडी आन्सु फाटीले फेरि चमत्कारी खेल प्रदर्शन गरे ।


बर्नाबाउमा भएको खेलमा रियलले सेसेमिरोको गोलले अग्रता लिएइता बेन्जेमाले छ मिनेटको अन्तरमा दुई गोल गरे । तर लेभान्टेले बलियो पुर्नरआगमन गर्दै दुई गोल फर्काए । यसअघिका दुवै खेल जितेको लेभान्टेका लागि बोरजा मायोरल र गोन्जालो मेलेरोले गोल गरे । ‘दोस्रो हाफमा हामीले आज संघर्ष गर्नु पर्‌यो । तर खेलमा प्राप्त जितले हामीलाई उत्साहित बनाएको छ,’ रियल प्रशिक्षक जिनेदिन जिदानले भने ।


एटलेटिको म्याड्रिडले अर्को खेलमा रियल सोसिडाडलाई २–० ले हरायो । नु क्याम्पमा प्राप्त जितमा भने लियोनल मेसी दर्शक दीर्घामा थिए र उनकै अगाडि किशोर खेलाडी फाटीले सुरुआत गोल गरे र लगतै अर्को गोलका लागि सहयोगी भूमिका निभाए । एक घन्टाका खेलपछि मैदान छाड्दा घरेलु दर्शकले उनलाई उठेर अभिवादन गरेका थिए ।

प्रकाशित : भाद्र २९, २०७६ ०७:५२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

नरविचसँग सिटी स्तब्ध

एएफपी

लन्डन — म्यानचेस्टर सिटीले शनिबार राति इंग्लिस प्रिमियर लिगमा जनवरीयताको पहिलो हार बेहोरेको छ । उसलाई हालै बढुवा पाएको नरविच सिटीले ३–२ ले स्तब्ध पार्‌यो ।

सिटीको यो हारपछि लिग तालिकामा लिभरपुलले पाँच अंकको अग्रता खोलेको छ । यसअघि लिभरपुलले न्युकासल युनाइटेडलाई ३–१ ले हराएको थियो ।

यस्तै टोटनहमले क्रिस्टल प्यालेस तथा चेल्सीले उल्भ्समाथि प्रभावशाली जित निकालेको थियो । म्यानचेस्टर युनाइेटडले पनि तीन बहुमूल्य अंकका लागि लेस्टर सिटीलाई १–० ले पन्छायो । पूरा दिनको खेलको सबैभन्दा ठूलो विजेता भने लिभरपुल रह्यो । क्यारो रोडमा भएको खेलमा सिटीको कमजोर रक्षापंक्ति छर्लङ देखिएको थियो ।

‘आज पक्कै पनि क्लबका लागि विशेष दिन सावित भयो,’ नरविचका प्रशिक्ष्ँक ड्यानिएल फार्केले भने । उसका लागि केनी म्याकलिन र टड कान्टवेलले गोल गर्दै सुरुआती अग्रता दिलाएका थिए । लगतै सिटीका तर्फबाट सर्जियो एगुरोले एक गोल फर्काए । तर टिमु पुकिले नरविचका लागि तेस्रो गोल थपे । खेलको अन्त्यतिर रोडरीले सिटीका लागि सान्त्वता गोल गरे ।

प्रकाशित : भाद्र २९, २०७६ ०७:४८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×