ओलम्पिक कमिटीको निर्वाचन भदौ २८ मा
काठमाडौँ — नेपाल ओलम्पिक कमिटीको निर्वाचन शनिबार हुने भएको छ । सर्वोच्च अदालतले बाटो खोलिदिएपछि भदौ २८ गते निर्वाचन हुने भएको हो ।
शनिबार बिहान ८ बजेदेखि सातदोबाटोस्थित कार्यालयमा निर्वाचन हुने नेपाल ओलम्पिक कमिटीले जनाएको छ ।
निर्वाचनमा अन्तर्राष्ट्रिय ओलम्पिक कमिटी र ओलम्पिक काउन्सिल अफ एसिया पर्यवेक्षणमा सहभागी हुने छन् ।
यसअघि नेपाल ओलम्पिक कमिटीको कार्यसमितिको निर्वाचनको मतदान कार्यक्रम भदौ २० गते तोकिएको थियो । निर्वाचन स्थगित गर्न माग गर्दै दायर गरेको रिटमा सर्वोच्चले भदौ १७ गते अन्तरिम आदेश दिँदै निर्वाचन नगर्न आदेश गरेको थियो ।
नेपाल ओलम्पिक कमिटीको नयाँ नेतृत्वका लागि जीवनराम श्रेष्ठ र उमेशलाल श्रेष्ठ मैदानमा छन् ।
यी पनि पढ्नुहोस्...
ओलम्पिक कमिटीको निर्वाचनको बाटो खुला
सर्वोच्चको अन्तरिम आदेश : ओलम्पिक चुनाव अन्योलमा
प्रकाशित : भाद्र २६, २०७६ ०९:०६प्रतिक्रिया
