कान्तिपुर वेबसाईट
AdvertisementAdvertisement

ओलम्पिक कमिटीको चुनाव स्थगित

कान्तिपुर संवाददाता

काठमाडौँ — नेपाल ओलम्पिक कमिटीको शुक्रबार हुने भनिएको कार्यसमिति निर्वाचन स्थगित भएको छ ।

सर्वोच्च अदालतमा रिट परेपछि मंगलबार अन्तरिम आदेश जारी गर्दै निर्वाचानसम्बन्धी कार्य अघि नबढाउनू भनेको थियो ।

पुरानो कमिटि (रुक्मशम्सेर राणा नेतृत्व) वैध रहेको दाबी गर्दै कमल चित्रकारले हालेको रिटमा अन्तरिम आदेश जारी गरेसँगै सर्वोच्चले दुवै पक्षलाई आइतबार छलफलको लागि बोलाएको छ ।


लोकभक्त राणा संयोजकत्वको निर्वाचन आयोगले पनि ‘नेपाल ओलम्पिक कमिटीको कार्यसमितिको निर्वाचन तालिकाअनुसार मतदान कार्यक्रम अर्को सूचना नभएसम्मको लागि स्थगित’ गर्ने निर्णय बिहीबार गर्‍यो । राणाको अध्यक्षतामा सन् २००७ मा भएको साधारणसभाबाट ध्रुवबहादुर प्रधान नेपाल ओलम्पिक कमिटीको अध्यक्ष निर्वाचित भएका थिए । त्यसपछि राणाले आफ्नै नेतृत्व कायम रहेको दाबी गरेपछि विवाद सिर्जना भएको हो ।


कमिटिमा विधानअनुसार निरन्तर दुई कार्यकालसम्म मात्रै अध्यक्ष रहन पाउँछ । प्रधानले दुई कार्यकाल नेतृत्व गरेपछि जीवनराम श्रेष्ठ सन् २०१५ मा ओलम्पिक कमिटी अध्यक्ष चुनिए । त्यसबेला उनले तत्कालीन उपाध्यक्ष उमेशलाल श्रेष्ठलाई १७–८ मतले पराजित गरेका थिए । यसबीच पनि १२ वर्षअघिको नेतृत्व विवादलाई लिएर अदालतमा मुद्दा चलिरहेकै छ ।


४ वर्षे कार्यकालको लागि यसपालि अध्यक्षको लागि उनै श्रेष्ठद्वयले उम्मेदवारी दर्ता छन् । महासचिवमा जीवनराम निकट नीलेन्द्रराज श्रेष्ठ र उमेशलाल पक्षबाट पुरेन्द्रविक्रम लाखे उम्मेदवार छन् । ओलम्पिक कमिटीमा २७ संघका १–१ प्रतिनिधि मतदाता रहने व्यवस्था छ । यसैपालि ३ पद थपेर कार्यसमितिलाई १९ सदस्यीय हुने बनाइएको छ । र, त्यसमा २६ संघका प्रतिनिधिले उम्मेदवारी दिएका छन् ।


प्रकाशित : भाद्र १९, २०७६ १९:४०
प्रतिक्रिया
पठाउनुहोस्

दोस्रोपटक पनि लिलाम भएन निगमको बोइङ

कान्तिपुर संवाददाता

काठमाडौँ — नेपाल वायुसेवा निगमको ३१ वर्ष पुरानो बोइङ (गण्डकी) दोस्रोपटक पनि लिलाम हुन सकेन । विमान खरिद गर्न प्रस्ताव गर्ने दुवै कम्पनी अयोग्य भएका छन् ।

निगमका सहायक प्रवक्ता सुलेख मिश्रका अनुसार एबीएन नामको इजरायली कम्पनीले इमेलबाट र अर्को प्रस्तावक कम्पनीले बिनाठेगाना बोलपत्र बुझाएकाले दुवै नेपालको कानुनअनुसार अयोग्य भएका हुन् । निगमले यसअघि असार ११ गते ३० दिनको लिलामी सूचना जारी गरेको थियो ।

निगमले पहिलोपटक स्चूना जारी गर्दा अल्फा चार्ली ब्राभो कलसाइनको उक्त जहाजको ६१ करोड र त्यसका ६ सय हाराहारी स्पेयर्सपार्टससमेत गरी ८७ करोड न्य्नूतम मूल्य तोकेको थियो ।
पहिलोपटकको स्चूनामा एउटा अमेरिकी र अर्को इजरायली कम्पनीले बोलपत्र पेस गरेका थिए ।

निगमको आर्थिक विनियमअनुसार कम्तीमा तीनवटा संस्थाले प्रस्ताव गर्नुपर्नेमा दुइटाको मात्रै परेकाले दोस्रोपटक साउन २९ गते १५ दिने स्चूना जारी भएको थियो । दोस्रोपटकको स्चूनाका आधारमा परेको बोलपत्र प्रस्तावबारे सोमबार बोइङ लिलाम गर्न गठन गरिएको उपसमितिले निगमका कार्यकारी अध्यक्ष मदन खरेललाई प्रतिवेदन बुझाएको सहप्रवक्ता मि श्रले बताए । अब फेरि स्चूना जारी गर्ने वा समझदारीमा लिलाम गर्नेबारे कार्यकारी अध्यक्षले टुंग्याउने उनले बताए ।

१६ बिजनेस र १ सय ७४ इकोनमी श्रेणीसहित १ सय ९० सिट भएको यो विमान कात्तिक ११ पछि व्यावसायिक उडानमा छैन ।

प्रकाशित : भाद्र १९, २०७६ १९:३९
पूरा पढ्नुहोस्
प्रतिक्रिया
पठाउनुहोस्
×