यू-१९ एशिया कपका लागि नेपाली टोलीको चयन, आसिफ, सन्दीप, सूर्य पुन: टिममा फर्कन सफल

कान्तिपुर संवाददाता

काठमाडौँ — श्रीलंकामा भाद्र १९ देखि २८ गतेसम्म एसियन क्रिकेट काउन्सिलको आययोजनामा हुने यू-१९ एशिया कपका लागि नेपाली टोलीको चयन भएको छ ।

फाइल तस्बिर ।

श्रीलंकामा खेल्नका लागि रोहितकुमार पौडेलको नेतृत्वमा १५ सदस्यीय टोली चयन भएको नेपाली राष्ट्रिय टोलीका टिम एनलिस्ट रमण शिवाकोटीले जानकारी दिएका छन्। टिममा रोहितसँगै रित गौतम, पवन सर्राफ, महम्मद आसिफ शेख, सनदीप जोरा, भीम कार्की, हरिबहादुर चौहान, कुशल मल्ल, रसिद खान, कमलसिंह ऐरी, सागर ढकाल, खडकबहादुर बोहरा, सूर्य तामाङ, लोकेशबहादुर बम र प्रतिस जीसी रहेका छन्।

२० गतेदेखि सुरु हुने प्रतियोगितामा भाग लिनका लागि नेपाली टोली भाद्र ७ गते श्रीलंका प्रस्थान गर्ने छन्। उनीहरुले त्यहाँ केही प्राक्टिस म्याच पनि खेल्ने छन्।

प्रतियोगितामा नेपालसँगै भारत, पाकिस्तान, कुवेत, श्रीलंका, बंगलादेश, अफगानिस्तान र यूएईले प्रतिस्पर्धा गर्ने छन्। नेपाल समूह बी रहेका छ जसमा श्रीलंका, बंगलादेश र यूएई रहेका छन्।

प्रकाशित : भाद्र ५, २०७६ १०:५८
प्रतिक्रिया
पठाउनुहोस्

अदालतका सर्वेक्षक डेढ लाख घुससहित पक्राउ 

रवीन्द्र उप्रेती

महोत्तरी — अख्तियार दुरुपयोग अनुसन्धान आयोगको टोलीले महोत्तरी जिल्ला अदालतका एक सर्वेक्षकलाई घुस रकमसहित नियन्त्रणमा लिएको छ । 

महोत्तरीको वर्दिवासस्थित अख्तियार दुरुपयोग अनुसंधान आयोगको कार्यालय । तस्बिर : रवीन्द्र उप्रेती/कान्तिपुर

सर्वेक्षक मोहन यादव १ लाख ५० हजार घुस लिएलगत्तै जलेश्वरस्थित आरएस होटलबाट बुधबार साँझ पक्राउ परेका हुन ।

वर्दिवासस्थित अख्तियारको कार्यालयले घुस लिएको आरोपमा अदालतकर्मीलाई पक्राउ गरेको यो पहिलो घटना हो ।

यादवले घरजग्गा किचलो मुद्दाका एक सेवाग्राहीसँग उनको पक्षमा जग्गाको नाप नक्सा मिलाई दिने भन्दै घुस मागेको सूचनाको आधारमा प्रहरी सहयोगमा होटल घेराबन्दी गरि उनलाई साँझ ७ बजेतिर नियत्रणमा लिएको हो ।

वर्दिवासस्थित अख्तियारका उपसचिव हरिप्रसाद घिमिरेकाअनुसार यादवलाई बिहीबार बिहान टंगालस्थित अख्तियारको केन्द्रीय कार्यालय पठाइएको छ ।

प्रकाशित : भाद्र ५, २०७६ १०:५५
पूरा पढ्नुहोस्
प्रतिक्रिया
पठाउनुहोस्