इंग्लिस प्रिमियर लिग : तीन नयाँ अनुहार

एएफपी

लन्डन — प्रिमियर लिगमा उक्लेयता क्रिस वाइल्डर, डानियल फार्के र डिन स्मिथले थाहा पाउने छन्, सेफिल्ड युनाइटेड, नर्विच र एस्टन भिल्ला पानी माथि हुन्छन् वा डुब्ने छन् ।

नर्विचका फार्के र सेफिल्डका स्मिथले प्रिमियर लिगको स्वाद पहिलो सातामै पाउने छन्, किनभने उनीहरूको टिम चाँडै मैदानमा उत्रँदै छ । नर्विच शुक्रबार लिभरपुल भ्रमणमा निस्कने छ । शनिबार एस्टन भिल्ला पनि टोटेनहमतर्फ जानेछ ।

बर्नमाउथले भने सेफिल्डको आतिथ्यता गर्दै छ । फार्केले अहिलेसम्म केही पनि खराब गरेकै छैन भन्दा हुन्छ, किनभने उनी फुटबल प्रशिक्षक नै हुन चाहन्न थिए । तर यिनै ४२ वर्षीय जर्मनले ढिलोचाँडो फुटबलको ज्वरो बुझ्दै छन् । ‘साना क्लबमा प्रशिक्षकले नै सबथोक गर्नुपर्ने हुन्छ,’ फार्केले गार्डियनसँग भनेका छन्, ‘बस कम्पनीसँगको कुराकानीदेखि लिएर खेलाडी अनुबन्ध, मिडियासँगको बसाइ अनि खेलाडीको प्रशिक्षण धेरै काम हुन्छ ।’

नर्विचका म्यानेजर डानियल फार्के

उनको उही कडा मिहिनेतले नर्विचलाई फेरि प्रिमियर लिगमा पुर्‍याएको छ । बोरुसिया डर्टमन्डको रिभर्ज टिममा छँदा उनी प्रशिक्षक भएर पनि पानी बोक्थे । उनको यही छवि र काम गर्ने बानी अन्ततः नर्विचमा काम लाग्यो । ‘क्यानरिच’ पक्कै पनि सानो क्लब हो तर यसको व्यवस्थापन चुस्त हुने गर्छ । नयाँ सिजनका लागि उसले एकेडेमीका खेलाडी म्याक्स आर्नोस र जमल लेविस जस्ता खेलाडीमै भरपर्ने निर्णय गरेको छ ।

क्लबले १० लाख पाउन्डमात्र खेलाडी स्थानान्तरणमा खर्चेको छ । यसमा पनि अधिकांस रकम त डिफेन्डर साम बेरमै खन्याइएको छ । स्मिथले भने एस्टन भिल्लामा मन खुलेर खर्च गर्ने अवसर पाएका छन् । भिल्ला बढुवा खाने तेस्रो टिम थियो, प्लेअफ फाइनलमा डर्बीलाई हराएर । एस्टन भिल्लाले १२ खेलाडी किनेको छ । यसका लागि खर्च गरेको छ, १३ करोड ४० लाख पाउन्ड । स्मिथ आफैं एस्टन भिल्लाका जबरदस्त समर्थक हुन् ।

उनले प्रशिक्षणको गुण वालसल र ब्रेन्टफोर्डमा छँदा सिकेका थिए । उनी चाहन्छन्, एस्टन भिल्लाको भाग्य त्यही नहोस्, जस्तो गत सिजन फुलहमको भएको थियो । बढुवा पाएयता फुलहमले १० करोड पाउन्ड नयाँ खेलाडी किन्नमै लगायो तर यही टिम रेलिगेसनमा परेको थियो । यी ४८ वर्षीय प्रशिक्षक स्मिथको एउटा ठूलै दुःख भने छ । त्यो उनको बुव रन स्मिथसँग जोडिएको छ ।

एस्टन भिल्लाकाम्यानेजरडिल स्मिथ

बुवा स्मिथ २० वर्षम्म क्लबमा व्यवस्थापनको काममा थिए, अहिले मस्तिष्कसम्बन्धी रोगग्रसित छन् । ‘मेरा बुवा तीन वर्षदेखि घरमै छन्,’ गत वर्ष उनले द टाइम्सलाई भनेका थिए, ‘म को हुँ भनेर पनि बुवाले मलाई चिन्नुहुन्न । दुःख के छ भने बुवाले म एस्टन भिल्लाको प्रशिक्षक भए भन्ने पनि थाहा पाउनु भएको छैन । उनी चाहन्छन्, बुवाले बुझोस्, कुनै समयका सानो छोरा अब ठूलो भइसकेको मात्र छैन, क्लबको सबैभन्दा मुख्य मान्छे पनि भएको छ । स्मिथ मधुर स्वरमा भन्ने गर्छन्, ‘यो सबै कुरा बुवाले थाहा पाउनुभएको भए कत्ति खुसी हुनुहुन्थ्यो होला ।’

सेफिन्डकाम्यानेजरक्रिस बाउण्डर
यसपल्ट प्रिमियर लिगमा ८ क्लबका व्यवस्थापक इंग्लिस छन् । त्यसमा एक स्मिथ पनि हुन् भने अर्का विल्डर । विल्डरसँग स–साना क्लबसम्हालेको अनुभव छ । उनी ती पुराना दिन सम्झन चाहन्नन्, किनभने साना क्लबमा तलब पाउनु पनि अधिकांस समय ठूलै उपलब्धि हुने गर्छ । अहिले उनको काँधमा ठूलो जिम्मेवारी छ । त्यसैले उनी चाहन्छन्, सेफिल्डमा सबै ठूलो होस् र क्लब पनि कायम रहोस् यही प्रिमियर लिगमा ।

प्रकाशित : श्रावण २४, २०७६ ०८:१६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

नर्विचसँग भिड्दै लिभरपुल

एएफपी

लिभरपुल — कीर्तिमानी अंक बटुलेर पनि झिनो अन्तरले लिग उपाधि गुमाउन पुगेको लिभरपुलले त्यसको पीडा बिर्सेको थियो युरोपेली च्याम्पियन्स लिग जितेर । लिभरपुलले साँच्चै लिग नजितेको ३० वर्ष भयो ।

यस्तोमा शुक्रबार सुरु हुने इंग्लिस प्रिमियर लिगमा उसको सबैभन्दा ठूलो लक्ष्य यही प्रतियोगिता जित्ने हुनेछ । लिगको पहिलो खेल एनफिल्डमै हुँदै छ । यहाँ भ्रमण गर्ने टिम हो यसैपालि बढुवा भएको नर्विच ।
लिगका अरू प्रतिद्वन्द्वीले यसपल्ट दिल खोलेर नयाँ खेलाडीमा खर्चेको छ, तर योर्गन क्लोपको लिभरपुल भने अविश्वसनीय रूपमा चुपचाप छ । अरू ठूला क्लबले मात्र संयुक्त रूपमा एक अर्ब पाउन्डको हाराहारी खर्चेका छन् । किशोर खेलाडीद्वय सेप भान डेन बर्ग र हार्भे इलियट भने क्लबले किनेको छ, सम्भवतः भविष्यलाई ध्यानमा राखेर अनि स्पेनी गोलरक्षक एडरिनले सिमोन मिग्नोलेटको स्थान लिनेछन् । उनी एलिसन बेकरको सहयोगी हुनेछन् ।

क्लोप मान्छन्, ‘अहिले जति खेलाडी क्लबमा छन् तिनीहरू नै क्लबलाई लिग उपाधि दिलाउन सक्षम र पर्याप्त छन् ।’ पछिल्लो दुई सिजन भने लिरभपुलले २३ करोड पाउन्डभन्दा बढी खेलाडी स्थानान्तरणमा खर्चेको थियो । त्यसै क्रममा त एलिसन, भिर्जिल भान डायक र मोहम्मद सलाहजस्ता खेलाडी आएको । ‘अरू क्लबले खेलाडी किन्यो भन्दैमा त्यसको देखासिखी गर्नु जस्तो मूर्ख काम अरू केही पनि हुन्न,’ क्लोपले स्काई स्पोर्टसलाई भनेका छन् ।

उनको मत हो, अहिले लिभरपुल टिम जस्तो छ, त्यसमा किन अरू कोही नयाँ खेलाडी चाहियो र ? सम्भवतः पछिल्लो लिगमा टिमले जसरी खेल्यो । त्यो एकप्रकारले उत्तर पनि हो, किन लिभरपुलले नयाँ खेलाडीमा रूचि राखेन भनेर । खासमा लिगमा ९७ अंक बटुल्ने हो भने कुनै पनि अवसरमा उपाधि जित्न सकिन्छ । मात्र पछिल्ला दुई सिजन छाड्ने हो भने ।

यी दुई सिजन भने पेप ग्वार्डिओलाको म्यानचेस्टर सिटी गज्जब रह्यो । नयाँ उचाइको मापदण्ड कायम राख्यो । सिटीले भने ठीक यही बेला टिम अझ बलियो बनाएको छ । त्यसमाथि गत सिजन टोलीले तीन उपाधि जितेर नयाँ कीर्तिमान पनि राखेको छ । सिटीको यसपल्ट सबैभन्दा ठूलो अनुबन्ध हो, स्पेनी मिडफिल्डर रोड्री ।

गत सातामात्र यही टिमले कम्युनिटी सिल्डमा लिभरपुललाई टाइब्रेकरमा हराएको थियो । तर यसको लिगमा खासै अर्थ हुन्न । लिभरपुलको एउटा चिन्ता के हुनसक्छ भने प्रमुख तीन खेलाडी सलाह, रोबर्टो फिर्मिनो र साडियो माने आफ्नो देशका लागि खुबै व्यस्त रहे सिजन विश्राममा ।

उनीहरू चम्केनन् भने के हुन्छ त ? क्लोप मान्छन्, यसपल्ट एलेक्स अक्सलेड च्याम्बरलिन, एडम लालाना र रिहान ब्रेस्टरको उपस्थितिले ठूलो अर्थ राख्नेछ । लिभरपुल स्वयं यस सिजन खुबै व्यस्त रहनेछ ।

युरोपेली विजेताका रूपमा लिभरपुलले यूईएफए सुपर कप अर्को साता खेल्दै छ भने अर्को महिना क्लब वर्ल्डकप पनि छ । त्यसको अर्थ लिभरपुलले यस सिजनमा अझै ६ उपाधिका लागि खेल्नेछ । भनिरहनु पर्दैन सबैभन्दा महत्त्वपूर्ण यही लिग उपाधि नै हुनेछ ।

प्रकाशित : श्रावण २४, २०७६ ०८:०८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT