नेपालमा डब्लूटीको ट्रेनिङ सेन्टर 

विश्व तेक्वान्दो महासंघले क्षेत्रीय तालिम केन्द्रको मान्यता दिएको काठमाडौं १२ औं सहर हो । यसअघि चीनका ३, अजरबैजान, उज्वेकिस्तान, इरान, जर्मनी, बेलायत, दक्षिण कोरिया, क्रोएसिया र इटलीमा पनि क्षेत्रीय ट्रेनिङ सेन्टर स्थापना भएका छन् ।

क्षेत्रीय ट्रेनिङ सेन्टर सञ्चालनमा आउँदा नेपाली खेलाडीको स्तरोन्नतिमा सहयोग पुग्ने विश्वास अध्यक्ष चोईले व्यक्त गरे । उनका अनुसार विश्व तेक्वान्दो महासंघमा आवद्ध सबै देशका खेलाडीले ट्रेनिङ गर्न सक्नेछन् । त्यसका लागि विश्व तेक्वान्दो महासंघले समन्वय गर्नेछ भने ट्रेनिङ सेन्टरको सञ्चालन नेपाल तेक्वान्दो संघले गर्नेछ ।

सदस्यसचिवले दक्षिण एशियामा पावरहाउसको रूपमा रहेको नेपाली तेक्वान्दोको स्तर यस ट्रेनिङ सेन्टर सन्चालनमा आएपछि अझै बढ्ने दाबी गरे ।

महासंघका अध्यक्ष दक्षिण कोरियाली नागरिक चोईले अन्तर्राष्ट्रिय ओलम्पिक कमिटीद्वारा मान्यताप्राप्त तेक्वान्दो महासंघ आफ्नो नेतृत्वमा मात्र रहेको र यस महासंघले नेपालमा नेपाल तेक्वान्दो संघलाई मात्र आधिकारिता दिएको प्रस्ट पारे ।