लिभरपुलको अभियान के कमजोर हुनेछ ?

बीबीसी

लन्डन — गत सिजन म्यानचेस्टर सिटी र लिभरपुलले इंग्लिस प्रिमियर लिग इतिहासमै सबैभन्दा बढी अंक बटुले । त्यसको कारण दुवै टिमका आक्रामक खेलाडी नै थिए । सबैखाले प्रतियोगितामा सिटीले १ सय ६९ गोल गरेको थियो ।

त्यसमध्ये सात खेलाडीको गोल संख्याले दोहोरो अंक छोयो । लिभरपुलले गोलमा प्रदर्शन पनि कम्तीमा थिएन तर उसका तीन खेलाडीले मात्र सातभन्दा बढी गोल गरे ।

सन् २०१९–२० को नयाँ सिजन केही दिन मात्र टाढा । अगस्ट ४ मा यिनै दुई टिमबीच हुने कम्युनिटी सिल्डसँगै नयाँ सिजन सुरु हुनेछ र अपेक्षा गरिएको छ, यसपल्टको लिगमा पनि यिनै दुई टिमको बाहुल्य हुनेछ । सिटीसँग अरू कोहीसँग तुलना गर्न नसकिने आक्रामक खेलाडीको गहिराइ छ । लिभरपुल भने गत सिजन तीन खेलाडीमै मात्र निर्भर थियो, मोहम्मद सलाह, साडियो माने र रोबर्टो फिरमिनो । यी तीनै खेलाडी लिभरपुलको अमेरिकामा चल्ने प्रि–सिजन टुरमा अनुपस्थित छन् ।

आफ्नो राष्ट्रिय टिमका लागि खेल्नुपरेको हुनाले उनीहरू अमेरिका जान नसकेका हुन् । अब प्रश्न उठ्नेछ, यी तीन खेलाडीको अनुपस्थिति र कम आराम गर्न पाउनुले लिरभपुलको अभियानमा धक्का पुग्नेछ त ? अथवा यसबाट मुक्त हुन के लिभरपुलसँग योजना ‘बी’ पनि छ त ? सिजन सुरु हुन केही दिनअगाडि मात्र उनीहरू टिममा फर्कनेछन् र प्रशिक्षक योर्गन क्लोपले पनि मानेका छन्, त्यसै स्थितिमा टिमको व्यवस्थापन गर्नुपर्नेछ ।

यो पक्कै पनि लिभरपुलका लागि चिन्ताको विषय हुनेछ, किनभने लिभरपुलले पछिल्लो सिजन एकै खेल मात्र गुमाएको थियो, लिगमा । तर पनि टिमले लिग उपाधि भने जित्न सकेन । मानेको सिजन त शुक्रबार मात्र सकियो, जति बेला उनको टिम सेनेगल अफ्रिकी कप अफ नेसन्सको फाइनलमा अल्जेरियाको हातबाट १–० ले पराजित भयो । सन् २०१८–१९ को सिजनको अभ्यासलाई जोड्ने हो भने उनका लागि यो समय ३ सय ६३ दिन लामो रह्यो ।

अहिले कम्युनिटी सिल्डका लागि दुई साता बाँकी छ र युरोपेली च्याम्पियनले त्यससँगै नौ दिनमा तीन खेल खेल्नुपर्नेछ । ती लिगमा नरविचविरुद्ध र यूईएफएकपमा युरोपा लिग विजेता चेल्सीविरुद्ध हुनेछन् । हुन सक्छ, यी सबै खेलमा माने अनुपस्थित हुनेछन् । सलाह त्यही अफ्रिकी कप अफ नेसन्समा इजिप्टका लागि व्यस्त रहे भने फिरमिनोले ब्राजिलका लागि कोपा अमेरिका खेले । त्यसो त गत सिजन तीन उपाधि जितेको सिटीका प्रमुख केही खेलाडी पनि उत्तिकै व्यस्त रहे ।

जस्तो ग्याब्रियल जेसससँगै सर्जियो एगुइरो कोपा अमेरिका खेल्न व्यस्त थिए भने रियाद महरेजले अल्जेरियाका लागि अफ्रिकी कप अफ नेसन्स नै जिते । यसले सिटीलाई लिभरपुलको जस्तो समस्या भने हुने छैन, किनभने उससँगै रहिम स्टर्लिङ, बर्नार्डो सिल्भा र लेरोय सेनजस्ता खेलाडी छन् । त्यसैले क्लोपले पनि भनेका छन्, ‘म कुनै ठूलो गुनासो गर्न चाहन्नँ, तर मानेको सिजन १३ महिना जत्तिकै लामो भयो । कसैले सुनेको छ र एकै वर्षमा १३ महिना ?’

उनले थपेका छन्, ‘यी तीन खेलाडीलाई लिएर कसरी स्थितिको सामना गर्ने हो, त्यसबारे हामीले गहिरिएर सोच्नैपर्छ । फिरमिनोका लागि सिजन निकै राम्रो रह्यो, उनले दुई उपाधि जिते । सलाहको घटना भने अलि फरक छ, म उनीसँग लगातार सम्पर्कमा छु । मेरो विचारमा तीनै खेलाडी राम्रो स्थितिमा छन् । अबका केही दिनमै महत्त्वपूर्ण खेल आउँदै छन् र हामी उनीहरूको उपलब्धताबारे प्रस्ट हुनैपर्छ । विश्वास गरौं, सबै राम्रो नै हुनेछ र हाम्रो तयारी सोचेजस्तै हुनेछ ।’

इमा सान्डर्स

प्रकाशित : श्रावण ६, २०७६ ०८:००
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

रुसमा क्रिकेट अनधिकृत

बीबीसी

मस्को — रुसको खेलकुद मन्त्रालयले क्रिकेटलाई आधिकारिक खेलको रूपमा दर्ता गर्न अस्वीकार गरिदिएको छ । एकदिवसीय विश्वकपअन्तर्गत इंग्ल्यान्ड र न्युजिल्यान्डबीच नाटकीय फाइनलकै दिन रुसमा क्रिकेटको आधिकारिकता अस्वीकृत भएको हो । रुसमा पेटांक, ड्रग्ट र मिनी–गल्फले आधिकारिक मान्यता पाएका छन् । 

आधिकारिक सूचीमा नहुनु भनेको प्रतिबन्धित हुनु चाहिँ होइन । तर यसको मतलब के हो भने क्रिकेटलाई त्यहाँको खेलकुद मन्त्रालयले समर्थन गर्दैन । मस्को क्रिकेट स्पोर्टस फेडेरेसनका एक सदस्य अलेक्जेन्दर सोरोकिनले आफूहरूको आवेदनमा त्रुटि भएको भन्दै मन्त्रालयले आधिकारिकता दिन अस्वीकार गरेको जनाएका छन् ।

उनले टीएएसएस समाचार एजेन्सीसँगको कुराकानीमा बताएअनुसार फेडेरेसनले प्रक्रिया पूरा गरी अर्को वर्ष पनि आवेदन दिनेछ । जुलाई १५ मा मन्त्रालयले जारी गरेको सूचीमा मुवाँथाईलाई पनि आधिकारिक खेलको मान्यता दिन अस्वीकृत गरिएको छ । सामाजिक सन्जाल प्रयोगकर्ताले रुसको यो कदमलाई हास्यास्पद भन्दै टिप्पणी गरेका छन् ।

‘क्रिकेट दुई विलियन मानिसले लगातार फलो गर्छन् । यो भारत, पाकिस्तानसँगै पूर्व ब्रिटिस औपनिवेशिक देशहरूमा सबैभन्दा लोकप्रिय खेल हो । त्यसैले उनीहरू एंग्लो–सेक्सन खेलबाट डराउँछन्,’ लोकप्रिय ट्वीटर ह्यान्डिल येखिदनिये भिटीबाट व्यंग्यात्मक ट्वीट गरेको छ । ‘खेलकुद मन्त्रालयले थाई बक्सिङ (मुवाँथाई) र क्रिकेटलाई आधिकारिक खेलको मान्यता दिन अस्वीकार गरेछ । जबकि त्यहाँ क्रिकेट र राष्ट्रिय टोली पनि छ,’ आरबीसी बिजनेस डेलीले ट्वीट गरेको छ ।

प्रकाशित : श्रावण ४, २०७६ ०७:४८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT