मुख्यमन्त्री लिग आजदेखि

असार २१ सम्म चल्ने लिगका विजेता र उपविजेताले विराटनगरमा असार २६ देखि हुने सुपर सिक्समा स्थान बनाउने छन् । सोमवार उदयपुरबाट औपचारिक रूपमा १ नम्बर प्रदेशस्तरीय लिग सुरु भएको हो । प्रदेश १ सरकारको १ करोड र अखिल नेपाल फुटबल संघको ३३ लाख रुपैयाँको लागतमा लिग सुरु भएको हो ।

विजेताले ५ लाख उपविजेताले ३ लाख रुपैयाँ प्राप्त गर्नेछन् । प्रदेश विजेताले राष्ट्रिय र अन्तर्राष्ट्रिय लिग खेल्ने अवसर पाउने छ । सुपर सिक्समा पुगेका बाँकी टिमले ५० हजार रुपैयाँ प्राप्त गर्ने एन्फा केन्द्रीय सदस्य तथा प्रतियोगिता आयोजक कमिटीका उपाध्यक्ष निरोज खड्गीले जनाए । प्रदेश १ स्तरीय लिगमा १४ टमको सहभागिता छ ।