ह्विलचियर क्रिकेट आजदेखि

बुधबार नेपाल–भारतबीच खेल हुनेछ । दोस्रो खेलमा बंगलादेश–पाकिस्तानको प्रतिस्पर्धा हुनेछ । क्रिकेटको अन्तर्राष्ट्रिय नियमअनुसार खेलाइने भए पनि बाउन्ड्री ५० मिटर र पिच १८ यार्डको हुनेछ ।

चार टोलीले एकअर्कासँग खेल्नेछन् । लिग चरणबाट शीर्ष दुई टोलीले उपाधिका लागि प्रतिस्पर्धा गर्नेछन् । आयोजक संघले मंगलबार पत्रकार सम्मेलन गरी सम्पूर्ण तयारी पूरा भएको जनाएको छ । सबै सहभागी देशको टोली काठमाडौं आइसकेको आयोजक संघका अध्यक्ष छुल्टिम ग्याल्जेन शेर्पाले जनाए ।

प्रतियोगिताको १ करोड रुपैयाँ बजेट अनुमान गरिएको छ । भारतका कप्तान रमेश सरताउपेले भने, ‘हाम्रो सन्देश भनेकै हामीले पनि अन्यसरह खेल्न सक्छौं भन्ने हो । हामी हरेक क्षेत्रमा सक्षम छौं ।’