कोहलीको शतकमा बेंगलोरको जित
कोलकाता — विराट कोहलीको उत्कृष्ट शतकको मदतले इन्डियन प्रिमियर लिग (आईपीएल) २०१९ मा रोयल च्यालेन्जर्स बेंगलोरले कोलकता नाइटराइडर्सलाई १० रनले हराएको छ ।
पहिले ब्याटिङ गर्दै ४ विकेटमा २ सय १३ रन बनायो । टिमको खराब प्रदर्शनका कारण लगातार आलोचनाको शिकार भइरहेका विराटले इडेन गार्डेनमा ५८ बलको सामना गरेर ठ्याक्कै सय रन बनाए ।
उनलाई मोइन अलिले पनि राम्रो साथ दिए । इंग्लिस अलराउन्डरले ६६ रन बनाए । जवाफमा कोलकाताले ५ विकेट गुमाएर २ सय ३ रन मात्र बनाउन सक्यो ।
प्रतियोगितामा बेंगलोरको यो दोस्राे जित मात्र हो र ४ अंकमा टिम लिग तालिकाको पुछारमा रहेका छ । कोलकाताको पनि स्थिति पनि खराब भएको छ र टिम पुछारबाट तेस्रोमा छ ।
प्रकाशित : वैशाख ७, २०७६ ०७:२६प्रतिक्रिया