आईसीसी यू–१९ वर्ल्डकप छनोट : नेपालको मलेसियामाथि एकपक्षीय जित

नेपालका लागि रित गौत्तम ३९ रन बनाएर नटआउट रहे भने आरिफ सेखले २६ रन जोडे ।

पहिले ब्याटिङ गरेको मलेसियाले ३३.५ ओभरमा अलआउट हुन अगाडि ९२ रन मात्र बनाउन सक्यो । घरेलु टिमका लागि ड्यानिएल फिग्रीले सर्वाधिक ३७ रन बनाए । अरू ब्याट्सम्यानले खासै गतिलो योगदान दिन सकेनन् ।

नेपाली बलरमध्ये पवन सर्राफ र कुशल मल्लले तीन-तीन विकेट लिए । सर्राफले कसिलो बलिङ गर्दै ८.५ ओभरमा १३ रन मात्र दिए । कुशलको ८ ओभरमा २० रन निस्क्यो ।

प्रतियोगितामा नेपालको यो दोस्रो जित हो । नेपाल पछिल्लो खेलमा भने यूएईसँग पराजित रहेको थियो । वर्षाले प्रभावित खेलमा नेपाल दुर्भाग्यपूर्ण रूपमा डकवर्थ लुइस नियमले पराजित भएको थियो ।