पीपीएल : काठमाडौं रोयल्स १७ रनले विजयी

१ सय ८१ रनको लक्ष्य लिएर आएको धनगढीले ८ विकेट गुमाई १ सय ६३ रनमात्र बनाउन सक्यो । धनगढीका कप्तान दीपेन्द्रसिंह ऐरीले ५४ रन बनाए पनि आफ्नो टोलीलाई विजयी बनाउन सकेनन् । ४२ बल खेलेका उनले ३ चौका र ३ छक्का प्रहार गरे ।

त्यस्तै सन्दीप जोराले २७, डेविड ट्रेगोले १९ र सौरभ खनालले १७ रन बनाए । काठमाडौंका सुशन भारी, अमरसिंह राउटेला, वसन्त रेग्मीले २,२ तथा तोमारले १ विकेट लिए । पोखरा रंगशालाको क्रिकेट मैदानमा यसअघि टस जितेर ब्याटङ रोजेको काठमाडौंबाट भारतीय खेलाडी तोमारले ४४ बलमा ९५ रन बनाएपछि निर्धारित २० ओभरमा ३ विकेट गुमाई १ सय ८० रन बनाएको थियो ।

उनले ४ चौका र १० छक्का प्रहार गरे । उनले नरेश बुढाएरस“ग चौथो विकेटमा ९६ रन जोडेका थिए । नरेश २४ बलमा २ चौका र २ छक्का प्रहार गरी अविजित ३६ रन बनाए । अर्का अविजित ब्याट्सम्यान अमरसिंह राउटेलाको खातामा २ रन थियो ।

ओपनरद्वय अमित श्रेष्ठ १२ र जयकिशन कोल्शावाला २५ रनमा आउट भए । धनगढीका पिटर डेविड ट्रेगो, सौरभ ढकाल र कप्तान दीपेन्द्रसिंह ऐरीले १,१ विकेट लिए ।

तस्बिर : अंगद ढकाल