लालबाबु र पल्लवी उदीयमान

तारादेवीले ७५ केजी माथिको तौलमा १ सय ६६ केजी उचालेर स्वर्ण जितेकी हुन् । तारादेवीले लगातार दोस्रो वर्ष यो उपाधि जितिन् । दुवैले समान ११ हजार रुपैयाँ पुरस्कार पाए ।

पूर्व ओलम्पियन सुनीललाल जोशीको स्मृतिमा काठमाडौं जिल्ला भारोत्तोलन संघद्वारा आयोजित प्रतियोगिताको पुरुष सिनियरतर्फ आर्मीका कमलबहादुर अधिकारी र जुनियरमा बाँकेका प्रकाश केसी उत्कृष्ट भारोत्तोलक भए ।

महिला सिनियरमा पुलिसकी देवीकुमारी चौधरी र जुनियरमा बाँकेकी सन्जु चौधरी उत्कृष्ट भारोत्तोलक भए ।

जुनियरतर्फ एपीएफका लालबाबु पासवान र महिलामा डिभाइन फिटनेसकी पल्लवी चौधरी उदीयमान खेलाडी घोषित भए । उनीहरूले ट्रफीसहित जुरी घनश्याम मुखियाबाट प्रोत्साहनस्वरुप समान २ हजार ५ सय पुरस्कार पाए ।

बिहीबार आर्मीका राजु चौधरीले सिनियर ६२ केजी तौलसमूहमा २ सय ३ केजी उचाल्दै स्वर्ण जिते । उनले स्न्याचमा ८८ र क्लिन एन्ड जर्कमा १ सय १५ केजी उचाले । पुलिसका मुई लामा स्न्याचमा ८७ केजी र क्लिन एन्डमा १०० केजी उचालेर रजत जित्न सफल भए । कांस्य जितेका एपीएफका सुवासकुमार शाहले स्न्याचमा ७८ र क्लिन एन्डमा ९६ केजी उठाएका थिए । जुनियरतर्फ पुलिसका गणेश रानाभाटले स्न्याचमा ७३ केजी र क्लिन एन्डमा ८८ केजी उचालेर स्वर्ण जिते भने दोस्रो भएका बाँकेका तुसार बुढामगरले स्न्याचमा ६५ र क्लिन एन्डमा ८५ केजी उठाए । पर्साका नीरज गुप्ताले स्न्याचमा ५० र क्लिन एन्डमा ६७ केजी उचाल्दै कांस्य जिते ।

६९ केजी तौलमा स्वर्ण जितेका ओलम्पियन कमलबहादुर अधिकारीले स्न्याचमा ११० र क्लिन एन्डमा १४५ केजी उचालेका थिए । एपीएफका महेश चौधरीले स्न्याचमा ९० केजी र क्लिन एन्डमा १२० केजी उचालेर रजत तथा कांस्य जितेका आर्मीका जीवन तामाङले स्न्याचमा ७५ र क्लिन एन्डमा १०२ केजी उचाले । जुनियरतर्फ बाँकेका प्रकाश केसीले स्वर्ण जित्दा स्न्याचमा ९५ केजी र क्लिन एन्डमा १२२ केजी उठाए । बाराका सजरुद्दिन आलमले कुल १५५ केजीसाथ रजत र बाँकेका प्रशान्त योगीले कुल १४० केजीसाथ कांस्य जिते ।

सिनियर ७७ केजी तौलमा पुलिसका विकास थापाले स्न्याचमा ११२ र क्लिन एन्डमा १३० केजी उचाल्दै स्वर्ण जिते । आर्मीका यज्ञबहादुर सारुले कुल २२० केजी र एपीएफका तिलक थापाले कुल १८५ केजी उचालेर क्रमश: रजत र कांस्य जिते ।

जुनियरतर्फ बाँकेका सुरज वैश्यले स्न्याचमा ८५ केजी र क्लिन एन्डमा ११० केजी उचालेर स्वर्ण तथा झापाका सुलभ बस्नेतले कुल १०२ केजी उचालेर रजत जिते ।

पुलिसका ओमप्रकाश वैश्यले स्न्याचमा १०० केजी र क्लिन एन्डमा १२६ केजी उचालेर ८५ केजी तौलसमूहको स्वर्ण जिते । आर्मीका दिनेश कार्कीले रजत र एपीएफका सन्तोष चौधरीले कांस्य जिते । दिनेशले २०३ केजी र सन्तोषले १९८ केजी तौल उचाले । जुनियरतर्फ कञ्चनपुरका विकास भट्टले स्न्याचमा ६० र क्लिनमा ८२ केजी उचाल्दै स्वर्ण हात पारे । बाराका नाग अर्जुन गुप्ताले ११२ केजीसहित रजत जिते ।

९४ केजीको सिनियरतर्फ आर्मीका टहलबहादुर बसेलले पुलिसका खेलाडीलाई पछि पार्दै स्वर्ण जिते । उनले स्न्याचमा ८८ र क्लिन एन्डमा १२५ केजी उठाए । पुलिसका गगन चन्द (२११ केजी) ले रजत र श्रीकृष्ण महर्जन (२१०) ले कांस्य जिते । जुनियरमा कञ्चनपुरका विशालसिंह विष्टले एकल प्रतिस्पर्धामा स्न्याचमा ८५ र क्लिन एन्डमा ११० केजी उचालेर स्वर्ण जिते ।

स्ट्रोङगेस्ट खेलाडी घोषित सन्देश गुरुङले स्न्याचमा ११५ केजी र क्लिन एन्ड जर्कमा १४३ केजी उचाले । दोस्रो भएका आर्मीका विनोद खड्काले स्न्याचमा ८५ केजी र क्लिन एन्डमा ११५ केजीका उठाए । एपीएफका रनबहादुर नगरकोटीले स्न्याचमा ८६ केजी र क्निल एन्डमा ११३ केजी उठाएर कांस्य जिते । जुनियरतर्फ बर्दियाका रोशन बिसीले एकल प्रतिस्पर्धामा स्न्याचमा ६५ र क्लिनमा ८५ केजी उचाल्दै स्वर्ण जिते ।

१०५ केजीमाथि तौलमा स्वर्ण जितेका आर्मीका पुकार गुरुङले स्न्याचमा ११५ केजी र क्लिनमा १३० केजी भार उचाले । रजत जितेका बाराका आदर्शकुमार गुप्ताले स्न्याचमा ५६ र क्लिन एन्डमा ७० केजी उचाले । जुनियरतर्फ कञ्चनपुरका सागर भण्डारीले स्न्याचमा ९७ र क्लिन एन्डमा १२५ केजी उचालेर स्वर्ण जिते । रूपन्देहीका प्रवीण नेपालीले स्न्याचमा ६० र क्लिन एन्ड जर्कमा ७० केजी उचालेर रजत थापे ।