सानदार जितसँगै बार्सिलोनालाई कोपा डे रे
म्याड्रिड — लुइस स्वारेजले दुई गोल गरेपछि बार्सिलोनाले शनिबार राति लगातार चौथौ पल्ट कोपा डे रे जितेको छ । फाइनलमा उत्कृष्ट खेल देखाउँदै बार्सिलोनाले सेभियालाई ५–० ले हरायो ।
बार्सिलोना पहिलो हाफमा तीन गोलले अगाडि रहेको थियो । उसका लागि लियोनल मेसी, आन्द्रेस इनिस्टा र फिलिप कोउटिन्होले गोल गरे । प्रशिक्षक एरनिस्टो भाल्भारेडले टिम सम्हालेयता यो पहिलो उपाधि हो ।
उपाधि हात परेसँगै युरोपेली च्याम्पियन्स लिगमा एएस रोमाको हातबाट पराजित हुँदै प्रतियोगिताबाट बाहिरिएको पीडा केही कम भएको छ । बार्सिलोना ला लिगा पनि जित्ने होडमा छ ।
प्रकाशित : वैशाख ९, २०७५ ०८:३७