टोरेसको सयौं गोल
म्याड्रिड — फर्नान्डो टोरेसले ला लिगामा व्यक्तिगत सय गोल गर्दै आइतबार राति एटलेटिको म्याड्रिडलाई लेभान्टेमाथि ३–० को दिलाएका छन् । टोरेसले यसअघि सिजनको समाप्तीमा क्लब छाड्ने घोषणा गरेका थिए ।
लिभरपुल र चेल्सीका पूर्व खेलाडी पछिल्लो समय एटलेटिकोमा पहिलो रोजाईमा छैनन् । एटलेटिकोको अहिलेको जितमा भने एन्जेल कोरेरा र एन्टोनिया ग्रिजमनले पनि गोल गरे ।
ला लिगाको अर्को खेलमा रियल म्याड्रिडले मालागालाई २–१ ले हरायो । रियलका लागि इस्को र कासेमिरोले गोल गरे । टिमले क्रिस्टियानो रोनाल्डो र गेराथ बेललाई आराम दिएको थियो ।
लिगमा बार्सिलोना ८२ अंकमा शीर्ष स्थानमा छ । उसको पछाडि एटलेटिको ७१ र रियल ६७ अंकमा छ ।
प्रकाशित : वैशाख ३, २०७५ ०९:११