काठमाडौं — काठमाडौंमा जारी यू १९ साफ च्याम्पियनसिपको दोस्रो खेलमा बंगलादेशलाई २-१ ले पराजित गर्दै नेपाल समूह विजेता बनेको छ ।
सातदोबाटोस्थित एन्फा कम्प्लेसक्सको टर्फ मैदानमा भएको खेल ९० मिनेटमा खेल १-१ बराबर थियो । ४ मिनेट थपिएको समयमा अनन्त तामाङले गरेपछि नेपाल विजयी भएको हो । सुरुमा यो गोल बंगलादेशी खेलाडीको आत्मघाती भनिए पनि म्याच रेफ्रीले अनन्तको नाममा गोल दिएका हुन् ।
....................
खेलको १८ औं मिनेटमा पाएको पेनाल्टीमार्फत नेपाल बराबरी स्थितिमा फर्किएको छ । नेपालको लागि अन्जन विष्टले पेनाल्टीमार्फत गोल गरेका हुन् । विश्वास श्रेष्ठको क्रसमा मोहम्मद सलाउद्दिनले हेन्ड गरेपछि नेपालले पेनाल्टी पाएको हो ।
यसअघिले खेलको ११ औं मिनेटमा बंगलादेशले गोल गरेको थियो ।
.....................................
खेल सुरु भएको ११ औं मिनेटमो बंगलादेशको लागि फरवार्ड रोहित शरणले गोल गरेका हुन् ।
.....................................
काठमाडौंमा जारी यू १९ साफ च्याम्पियनसिपको दोस्रो खेलमा नेपाल अहिले बंगलादेशसँग खेलिरहेको छ । सातदोबाटोस्थित एन्फा कम्प्लेक्सको टर्फ मैदानमा खेलिरहेका दुवै टोली अन्तिम चारमा पुगिसकेका छन् ।
समूह ए को विजेता बन्नको लागि दुवै टोलीको लागि आजको खेल महत्वपूर्ण छ । नेपालले पहिलो खेलमा भुटानलाई ३–१ ले हराएको थियो । भुटानलाई बंगलादेशले पनि भुटानलाई २–० ले हराइसकेको छ ।
सेमीफाइनलमा बलियो टोली भारतको सामना गर्नबाट बच्न दुवै टोली समूह विजेता बन्ने दाउमा छन् ।
पहिलो खेलमा नेपालले भुटानलाई हराउदा बिमल घर्तीमगरले ह्याट्रिक गरेका थिए ।
याे पनि पढ्नुहाेस :
विमल ‘एक्स फ्याक्टर’ हुन सक्छन् त ?
प्रकाशित : भाद्र ७, २०७२ १५:४२
