मनाङेविरुद्ध उजुरी परेन
लमजुङ — जिल्लाले नाम सिफारिस गरे पनि एमालेले आधिकारिक उम्मेदवार नबनाएपछि स्वतन्त्र उम्मेदवारी दिएका दीपक मनाङे भनिने राजीव गुरुङविरुद्ध कुनै उजुरी परेको छैन ।
उनले हिमाली जिल्ला मनाङको प्रदेश (ख) बाट प्रदेश सभा सदस्यका लागि मुख्य निर्वाचन अधिकृतको कार्यालयमा मनोनयन दर्ता गराएका थिए । अन्तिममा एमालेबाट टिकट नपाएपछि उनले एमाले झन्डामुनि बसेरै उम्मेदवारी दिएका हुन् । उनीमाथि कांग्रेस समर्थकले उजुरी दिने आकलन गरिएको थियो । उजुरी नपरेपछि राजीव गुरुङको उम्मेदवार कायम भएको मुख्य निर्वाचन अधिकृतको कार्यालयले जनाएको छ । उनीविरुद्ध कुनै उजुरी नपरेको मनाङको मुख्य निर्वाचन अधिकृत एवं जिल्ला न्यायाधीश दीपक ढकालले बताए ।
प्रतिक्रिया