कर्णालीमा बस खस्यो ११ को मृत्यु

प्रहरीका अनुसार कालिकोटको जितेगडाबाट महेन्द्रनगर जाँदै गरेको ना४ख २९९८ नम्बरको बस राजमार्गबाट ३ सय मिटर तल नदीकिनारमा खसेको थियो । अधिकांशको अवस्था गम्भीर रहेको प्रत्यक्षदर्शी दीपक दसौदीले बताए । घाइतेलाई स्थानीय स्वास्थ्य चौकीमा प्राथमिक उपचारपछि सुर्खेत र नेपालगन्ज पठाइएको छ । दुर्घटनाको कारण खुल्न सकेको छैन ।
प्रहरीका अनुसार मृत्यु भएकामा ८ पुरुष, २ महिला र एक नाबालक छन् । अछामका सिंहा नेपाली, रूपा नेपाली, र धीरेन्द्र बीसीको मृत्यु भएको छ । कालिकोटका युवराज शाही, सुनील शाही, धर्मराज शाही, प्रकाश शाही र कविता शाहीको पनि मृत्यु भएको छ । बाँकी ३ जनाको सनाखत हुन सकेको छैन । चालकको अवस्था सामान्य छ ।