२७.१२°C काठमाडौं
काठमाडौंमा वायुको गुणस्तर: १९६

नेपालगन्जमा दीप प्रज्वलन

जनक नेपाल

नेपालगन्ज — दुई वर्षपछि आठौं राष्ट्रिय खेलकुद–२०७५ मध्यपश्चिममा गर्ने राष्ट्रिय खेलकुद परिषद्को घोषणाको नेपालगन्जमा स्वागत गरिएको छ ।

सातौं राष्ट्रिय खेलकुदको शुक्रबार धरानमा सम्पन्न समापनमा युवा तथा खेलकुदमन्त्री दलजित श्रीपाइली र राखेप सदस्य सचिव केशवकुमार विष्टले संयुक्त मध्यपश्चिम क्षेत्रीय खेलकुद विकास समितिका अध्यक्ष भीम ओलीलाई झन्डा हस्तान्तरण गरेसँगै यहाँ खुसियाली छाएको हो । आठौं खेलकुदो स्वागत गर्दै विभिन्न खेल संघ र खेलाडीले नेपालगन्जमा शुक्रबार साँझ दीप प्रज्वलन गरे ।
क्षेत्रीय खेलकुद विकास समितिको पहलको प्रशंसा गर्दै उनीहरूले उक्त प्रतियोगितालाई भव्य रूपमा सफल पार्ने प्रतिबद्धता पनि जनाए ।
नेपालगन्जमा यसअघि २०५५ सालमा चौथो राष्ट्रिय खेलकुद भएको थियो । तत्कालीन राखेप सदस्य रतन टण्डनले सम्पूर्ण खेलाडी तथा अफिसियलको आवास र भोजनको व्यवस्था आफैंले गर्ने गरी व्यवस्थापनको जिम्मा लिएका थिए । झन्डै १३ वर्ष रोकिएको राष्ट्रिय खेलकुदलाई नेपालगन्जले ब्युँझाएको थियो । ‘मध्यपश्चिमले आँट गरेको छ । सबैको सहयोग र साझेदारीमा भव्य ढंगले सफल पार्ने जिम्मेवारी पाएका छांै,’ क्षेत्रीय अध्यक्ष ओलीले भने । पछिल्लो समय नेपालगन्जमा राष्ट्रियस्तरका ठूला खेल स्पर्धा भइरहेका छन् । प्रधानमन्त्री कप भलिबल, नेपालगन्ज म्याराथन र नेपालगन्ज गोल्डकप स्थापित हुने चरणमा छन् । २०३८ सालमा बृहत् राष्ट्रिय खेलकुद सुरु भएको हो । काठमाडौंबाट सुरु प्रतियोगिता २०४० सालमा दोस्रो पश्चिमाञ्चलको पोखरा तथा २०४२ सालमा तेस्रो वीरगन्जमा भएको थियो । २०६५ चैतमा पाँचौं संस्करण काठमाडौं र छैटौं संस्करण ०६८ सालमा सुदूरपश्चिमको धनगढी र महेन्द्रनगरमा भएको थियो ।

प्रकाशित : पुस १६, २०७३ ०८:४३
प्रतिक्रिया
पठाउनुहोस्
जनताको राय

आन्दोलनका क्रममा सार्वजनिक सम्पत्तिमा क्षति पुर्‍याए सम्बन्धित पक्षबाट क्षतिपूर्ति भराउने गृहमन्त्रीको निर्णय कस्तो लाग्यो ?