१७.१२°C काठमाडौं
काठमाडौंमा वायुको गुणस्तर: १६०

पुल निर्माण थालियो

कान्तिपुर संवाददाता

बुटवल — रूपन्देहीका व्यस्त सडक वारपार गर्न १२ वटा आकासे पुलको निर्माण थालिएको छ ।

तीव्र विकास र सहरीकरण भइरहेको जिल्लाको सिद्धार्थ राजमार्गअन्तर्गत विभिन्न ठाउँमा यस्ता पुल बनाउन थालिएको हो । ६ लेनको सडक विस्तारसँगै पैदलयात्रुलाई सडक पार गर्न देखिएको समस्या र दुर्घटना न्यूनीकरणका लागि पुल निर्माण थालिएको बेलहीया–बुटवल व्यापारिक मार्ग विस्तार आयोजनाले जनाएको छ । यो खण्डमा २७ किलोमिटरको छ । 

योजनाअन्तर्गत बुटवल क्षेत्रमा ७, भैरहवामा ३ र तिलोत्तमा क्षेत्रमा २ आकासे पुल निर्माण हुँदै छन् । पुल निर्माणको काम १ वर्षमा सक्ने लक्ष्य छ । बुटवल क्षेत्रअन्तर्गत योगीकुटी, कालिकानगर, राजमार्ग चौराहा, मिलनचोक, अस्पताल लाइन, ट्राफिक चोक र गोलपार्कमा आकासे पुल बन्दै छन् । तिलोत्तमा नगरपालिकाको जानकीनगर र ड्राइभर टोल तथा भैरहवामा बुद्धचोक, देवकोटा चोक र आँखा अस्पतालअगाडिको क्षेत्र छनोट गरिएको आयोजनाका इन्जिनियर लीलाबहादुर भण्डारीले बताए । 
राष्ट्रिय योजना आयोगबाट स्वीकृत भएकाले टेन्डर प्रक्रिया थालिएको आयोजनाका इन्जिनियर भण्डारीले बताए । 

प्रकाशित : आश्विन १२, २०७३ ०९:४५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?