भूकम्पपीडितलाई चेलीको सहयोग- प्रिन्ट संस्करण - कान्तिपुर समाचार
कान्तिपुर वेबसाईट
AdvertisementAdvertisement

भूकम्पपीडितलाई चेलीको सहयोग

राजेन्द्र मानन्धर

दोलखा — भूकम्पपीडितलाई सहयोग गर्न यहाँका चेलीबेटी माइती गाउँमा सक्रिय हुन थालेका छन्।

भूकम्पपछि करिब ९९ प्रतिशत भौतिक संरचना क्षति पुगेको दोलखाका वृद्धवृद्धा र विद्यार्थीका लागि सहयोग पुर्‍याउन दोलखा बजारका चेलीबेटीहरू सक्रिय भएका हुन्। 

दोलखा म्यासमुचा खलक (दोलखा चेलीबेटी समाज) को आयोजनामा उपत्यकास्थित चेलीबेटीका तर्फबाट भीमेश्वर नगरपालिकास्थित त्रिपुरासुन्दरी निमाविका १ सय ५२ विद्यार्थीलाई स्वीटर हस्तान्तरण गरिएको हो।
म्यासमुचा खलककी सकुना श्रेष्ठले गौरशंकर बालगृहमा १ लाख, भीम उच्चमाविलाई १ लाख, राजकुलेश्वर निमाविलाई १ लाख, त्रिपुरासुन्दरी निमाविलाई १ लाख र पशुपति कन्या माविलाई १ लाख रुपैयाँ उपलब्ध गराएकी छन्। यसैगरी ताम्रकौशिका निमाविलाई ५० हजार, फुलपा प्राविलाई ३० हजार, तिखातल प्राविलाई ३० हजार हस्तान्तरण गरिन्। श्रेष्ठले बाल मन्दिरका ५४ विद्यार्थीलाई स्वीटर प्रदान गरिन् भने दोलखा बजारभित्रका २ सय ज्येष्ठ तथा एकल महिलाका लागि साडी, चोलो, उलनको ओड्ने उपलब्ध गराएका छन्।
त्यसैगरी जफेस्थित चनौटेमा महिला स्वयंसेवीलाई १ लाख १२ हजारको सामान हस्तान्तरण गरिन्।
स्वर्गीय नानीकुमारी श्रेष्ठ र केशव मलेकुको सम्झनामा संगीतमय आध्यात्मिक दार्शनिक प्रवचन कार्यक्रमका बीच भूकम्पपीडितलाई सहयोग हस्तान्तरण गरिएको थियो। कार्यक्रममा सभासद 
तथा एमाले पोलिटब्युरो सदस्य पशुपति चौलागाईंले आफंै पीडामा रहेका बेला पनि दोलखाली चेलीबेटीले गरेको समाजसेवाको सरहना गरे।

प्रकाशित : मंसिर २१, २०७२ ०८:५१
प्रतिक्रिया
पठाउनुहोस्

वकिल कार्यालयमा आगजनी

कान्तिपुर संवाददाता

सर्लाही — मलंगवास्थित जिल्ला न्यायाधिवक्ताको कार्यालयमा आइतबार साँझ आगजनी गरिएको छ।

कार्यालयका दुइटा कोठा आगोले जलेको छ। साँझ ५ बजेपछि केही युवा पर्खाल नाघेर भित्र पसी आगो लगाएका थिए। आगजनीका बेला कार्यालय प्रमुखलगायत माथिल्लो तलामा थिए। तलबाट धुँवा आएपछि प्रहरीलाई सूचना दिएर कर्मचारी बाहिरिए। बारुण यन्त्र र स्थानीयको प्रयासमा आगो नियन्त्रण लिइएको छ।

यसैबीच मधेसी मोर्चा कार्यकर्ताले जिल्ला प्रशासनभित्र टायर बालेका छन्। आन्दोलनका दिनमै मृत्यु भएकी एक महिलालाई सहिद घोषणा माग राख्दै धर्नामा बसेकाले प्रशासन परिसरभित्र टायर बालेका हुन्। उनीहरूले प्रशासनको बाहिरपट्टिका केही संरचना तोडफोड प्रयाससमेत गरेका थिए। 

प्रकाशित : मंसिर २१, २०७२ ०८:५०
पूरा पढ्नुहोस्
प्रतिक्रिया
पठाउनुहोस्
×