कान्तिपुर वेबसाईट
AdvertisementAdvertisement
२२.१२°C काठमाडौं
काठमाडौंमा वायुको गुणस्तर: १५५

छोटकरी

काठमाडौं — नेपालगन्ज – चिडीमार समुदायका बालबालिका अध्ययनरत नेपालगन्जको बेलासपुरस्थित वागेश्वरी प्राथमिक विद्यालयलाई कम्प्युटर सहयोग गरिएको छ। बुधबार २ लाख २० हजार रुपैयाँका कम्प्युटर लगायत सामाग्री सहयोग गरिएको हो। सेभ द चिल्ड्रेनको सहयोगमा बाँके युनेस्को क्लबले सञ्चालन गरिरहेको एकीकृत परियोजना अन्तर्गत विद्यालयलाई तीन सेट कम्प्युटर, प्रिन्टर र टेलिफोनलगायतका सामाग्री सहयोग गरिएको छ।

विद्यालयलाई कम्प्युटर सहयोग

नेपालगन्ज – चिडीमार समुदायका बालबालिका अध्ययनरत नेपालगन्जको बेलासपुरस्थित वागेश्वरी प्राथमिक विद्यालयलाई कम्प्युटर सहयोग गरिएको छ। बुधबार २ लाख २० हजार रुपैयाँका कम्प्युटर लगायत सामाग्री सहयोग गरिएको हो। सेभ द चिल्ड्रेनको सहयोगमा बाँके युनेस्को क्लबले सञ्चालन गरिरहेको एकीकृत परियोजना अन्तर्गत विद्यालयलाई तीन सेट कम्प्युटर, प्रिन्टर र टेलिफोनलगायतका सामाग्री सहयोग गरिएको छ।

होटल व्यवसायीमा नयाँ नेतृत्व
प्यूठान– होटल व्यवसायी संघ प्यूठानमा नयाँ नेतृत्व चयन भएको छ। मंगलबार सम्पन्न संघको सातौं वार्षिक साधारण सभा एवं तेस्रो अधिवेशनले चन्द्रलाल न्यौपानेको अध्यक्षतामा २१ सदस्यीय जिल्ला कार्यसमिति सर्वसम्मत चयन गरेको हो। संघमा आबद्ध आठ बजार इलाकालाई समेटेर नयाँ समिति चयन गरिएको संघका वरिष्ठ उपाध्यक्ष गञ्जबहादुर थापाले बताए। संघका द्वितीय उपाध्यक्ष डिलाराम सुवेदी, महासचिव जुद्धबहादुर कुावर, सचिव भूपेन्द्र श्रेष्ठ, सहसचिव गिरिराज अधिकारी र कोषाध्यक्ष वसन्तप्रसाद भण्डारीलगायत सदस्य चयन भएका छन्।

डोल्पामा मदिरा नियन्त्रण अभियान
डोल्पा (कास)– मादकपदार्थ सेवन गरी हुने होहल्ला र आपराधिक कृयाकलापलाई रोक्न डोल्पामा घरेलु मदिरा नियन्त्रण अभियान सञ्चालन गरिएको छ। स्थानीय प्रशासनले घरेलु मदिरा नियन्त्रण अभियान सुरु गरेको २ दिनमै ठूलो मात्रामा मदिरा बनाउन प्रयोग हुने मर्चा बरामद गरेर नष्ट गरेको छ। रुकुमको रम्ना मैकोटतर्फबाट शहरतारा हँुदै डोल्पाको सदरमुकाम दुनै ल्याउने उद्देश्यले शहरताराको एक बारीमा लुकाई राखेको करिब ६ क्विन्टल मर्चा बरामद गरेको प्रहरीले जनायो।बरामद गरी दुनै ल्याएर नागरिक समाज, पत्रकार, जिल्ला विकास समितिका प्रतिनिधिलगायतका कार्यालय प्रमुखहरूको रोहवरमा प्रहरीले नष्ट गरेको प्रमुख जिल्ला अधिकारी जीवनप्रसाद दुलालले बताए। जिल्ला प्रहरी कार्यालय डोल्पाका प्रमुख प्रहरी नायव उपरीक्षक ध्रुवराज रावतले मदिरा सेवनले आपराधिक घटना, महिला तथा बालबालिकामाथि हिंसा बढाउने र आर्थिक समस्यामा समाजलाई धकेल्ने बताए।

प्रकाशित : भाद्र २४, २०७२ १०:०१
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?