गर्भपतन गराउने बढे

कान्तिपुर संवाददाता

विराटनगर — परिवार नियोजन संघ मोरङमा सुरक्षित गर्भपतन गराउने महिला बढेका छन् । नौ महिना अवधिमा २ सय ६३ ले गर्भपतन गराएको संघले जनायो ।

कार्यालय प्रमुख सुरेश प्रधानका अनुसार तीमध्ये ११ जना २० वर्षमुनिका युवती छन् । वर्षको त्यही अवधिमा २ सय ५३ ले यो सेवा लिएका थिए । 'गर्भपतन गराउनेमा केही अविवाहित पनि भएको पाइएको छ' प्रधानले भने, 'यो अवधिमा २० देखि २४ वर्षभित्रका ६९ जनाले र २५ वर्ष माथिका १ सय ८३ महिलाले सुरक्षित गर्भपतन गराएका छन् । विराटनगरमा सुरक्षित गर्भपतन गराउन संघसहित कोसी अञ्चल अस्पताल, मेरी स्टोप क्लिनिक र न्यूरो अस्पताललाई अनुमति छ ।

प्रकाशित : पुस १५, २०७१ ११:०९
प्रतिक्रिया
पठाउनुहोस्

१५ मिटर कायम नगर्न माग

कान्तिपुर संवाददाता

इलाम — मेची राजमार्गको दुवैतर्फ १५ मिटर खाली गर्न गरिएको निर्णय लागू नगर्न स्थानीय बासिन्दाले आग्रह गरेका छन् ।

उनीहरूले उक्त निर्णयको विरोधसमेत गरेका छन् । सूर्योदय ननगरपालिकाको एक टोली राजधानीसम्म पुगेर यो नियम लागू नगराउन सम्बन्धित निकायमा माग राखेर फर्केको छ । राजमार्ग क्षेत्रमा १५ मिटर खाली गराउँदा फिक्कल बजारसहितका विभिन्न क्षेत्रका सयौं घरका हजारौं नागरिक सुकुम्बासी बन्ने भन्दै टोलीले सरकार तथा प्रशासनिक निकायका उच्च अधिकारीहरूको ध्यानाकर्षण गराएको हो । यस्तो निर्णय कार्यान्वयन गर्ने भए पीडित परिवारलाई उचित क्षतिपूर्ति दिनुपर्ने माग उनीहरूको छ । पहाडी क्षेत्रमा सडकका दुवैतर्फ १५ मिटर खाली गराउने निर्णय व्यावहारिक नभएको सडक सिमानापीडित संघर्ष समितिका दुर्गा बरालले बताए ।

प्रकाशित : पुस १५, २०७१ ११:०८
पूरा पढ्नुहोस्
प्रतिक्रिया
पठाउनुहोस्