पर्यटन क्षेत्रमा गुरुयोजना कार्यान्वयन भएन

खगेन्द्र अवस्थी

बैतडी — पाँच वर्षअघि बनाएको गुरुयोजना अनुसार काम नहुँदा जिल्लाका महत्त्वपूर्ण पर्यटकीय क्षेत्र ओझेलमा परेका छन् ।


अन्य क्षेत्रमा वर्षेनी करोडौं रुपैयाँ खर्च हुने गरे पनि पर्यटन क्षेत्रको विकासमा थोरै मात्र बजेट विनियोजन हुने गरेको छ । भएको बजेट पनि राजनीतिक पहुँच र स्वार्थका आधारमा खर्च गरिँदा प्रचुर सम्भावनायुक्त पर्यटकीय क्षेत्रको विकास हुन नसकेको स्थानीयको आरोप छ । जिविसले लाखौं खर्चेर बनाएको 'पर्यटन गुरुयोजना' कागजमै थन्किएको छ । २०६७ सालमा ७ लाख ५० हजार खर्चेर जिल्लाको पर्यटन गुरुयोजना बनाएको थियो ।
गुरुयोजनामा पर्यटकीय सम्भावना भएका क्षेत्र पहिचान गरी त्यसमा पूर्वाधार विकास र प्रचार प्रसार गर्न आवश्यक देखाएको छ । विकास बजेटमा राजनीतिक भागबन्डाले सार्वजनिक महत्त्वका योजना प्राथमिकतामा नपरेको गुनासो छ । बैतडी धार्मिक पर्यटनको मुख्य गन्तव्य बनाउन सकिने सम्भावना भए पनि त्यसअनुसार लगानी भएको छैन । 'दलका कार्यकर्ताले आफू अनुकूल बजेट विनियोजन गराएर पर्यटकीय क्षेत्र विकास भन्दै योजना बनाउँछन्' भटना गाविसका गौतम भट्टले भने, 'सामरिक महत्त्व भएका क्षेत्रको विकास हुन सकेको छैन ।'
पाताल भूमेश्वर गुफा, धौलकाडा क्षेत्र, कोटपेटरा, रौलेश्वर लगायतका ५ दर्जनभन्दा बढी पुरातात्त्विक र प्राकृतिक पर्यटकीय सम्भावना बोकेका स्थल संरक्षण अभावमा जीर्ण बन्दै गएका छन् ।  
जिविसले सतबाज श्रीभावर सडक र पाताल भूमेश्वर गुफालाई पर्यटकीय क्षेत्रको रूपमा विकास गर्ने सुरुवात गरे पनि योजना अनुसार काम हुन सकेको छैन । गत वर्ष जिविसले ८ वटा मन्दिरमा पूर्वाधार निर्माण र मर्मत बापत १० लाख खर्च गरेको थियो ।
उक्त रकम आवश्यकता भन्दा पहुँचका आधारमा वितरण भएको स्थानीयको आरोप छ । यीमध्ये गुरुयोजनामा परेका रौलाकेदार र ईश्वरीगंगामा ३ लाख लगानी भएको थियो । थोरै बजेटका कारण प्रभावकारी काम हुन नसकेको जिविसको दाबी छ ।

प्रकाशित : वैशाख २५, २०७१ १५:५६
प्रतिक्रिया
पठाउनुहोस्

छोटकरी

सुरक्षाकर्मीले सदरमुकाम तौलिहवा बजार सरसफाइ गरेका छन् । बिहीबारदेखि हुने प्राचीन कपिलवस्तु महोत्सवका अवसरमा कालीजंग गणका सेना, प्रहरी र सशस्त्रले सरसफाइ गरेका हुन् ।

बजार सरसफाइ
कपिलवस्तु (कास)- सामुदायिक सेवा केन्द्रद्वारा आयोजित सरसफाइ कार्यक्रममा २ सय बढी सुरक्षाकर्मी सहभागी थिए । बिहान ८ देखि १० बजेसम्म आयोजित कार्यक्रममा जवान देखि अधिकृतसम्मकाले कुचो समातेर बढारेका थिए ।

बिरामी प्रहरीलाई आर्थिक सहयोग
पर्सा (कास)- एक बिरामी प्रहरी जवानलाई जिल्लाका सबै प्रहरी इकाइबाट आर्थिक सहयोग गरिएको छ । सिन्धुपाल्चोक दरबन्दी भई वडा प्रहरी बिर्तामा कार्यरत प्रहरी जवान केदार तिवारीलाई इकाइहरूबाट संकलित १ लाख १४ हजार ३ सय ५ रुपैयाँ प्रदान गरिएको हो । प्रहरी उपरीक्षक धीरजप्रताप सिंहले तिवारीलाई उक्त रकम हस्तान्तरण गरेका हुन् । २०७० पुस १४ गते डिउटी गर्ने क्रममा उनी अचानक बिरामी भई तत्काल वीरगन्जस्थित एड्भान्स मेडिकल अस्पतालमा भर्ना गरिएका थिए । उनलाई राजधानी लगेर परीक्षण गरिएपछि ग्युलेन ब्यारे सिन्ड्रोम नामक प्यारालाइसिस भएको ठहर भएको थियो ।

पखालाले गाउँ नै बिरामी
रौतहट (कास)- गत सातादेखि जिल्लाका ग्रामीण क्षेत्रमा फैलिएको पखाला नियन्त्रणमा आएको छैन । बुधबारसम्म ४ सय बिरामी परिसकेका छन् । चन्द्रनिगाहपुर ३ गैंडाटारमै दैनिक दर्जनभन्दा बढी बिरामी पर्दै आएका छन् ।  
भावित गाउँमा पखालाको महामारी छ । १२ जनाको अवस्था नाजुक बनेपछि भरतपुर र काठमाडांै रेफर गरिएको जिल्ला अस्पतालका अहेव गुणराज घिमिरेले जानकारी दिए । बिरामीहरूलाई त्यहाँको जनशक्ति माविमा राखेर उपचार गराइएको छ । खानेपानी अभाव भएपछि गाउँलेहरूले लामो समयदेखि चाँदीखोलाको पानी पिउँदै आएका थिए । बुधबार स्वास्थ्य सेवा विभाग महामारी नियन्त्रण महाशाखा टेकुबाट डाक्टर प्रनिलमानसिंह प्रधानसहितको टोली आई प्रभावित क्षेत्रको निरीक्षण गरेको छ ।  

मिस टिन हुने
पर्सा (कास)- वीरगन्जमा मिस टिन नारायणी २०१४ र अन्तर विद्यालय नृत्य प्रतियोगिता हुने भएको छ । बिसिएन इभेन्ट म्यानेजमेन्ट प्रालिले फेमिन ब्युटी होम एन्ड टे्रनिङ सेन्टरसँगको सहकार्यमा असार १४ गते मिस टिन नारायणी आयोजना गर्दैछ । त्यसैगरी प्याब्सन, एन प्याब्सन र पसर्ा स्टारिङ डान्स एकेडेमीसंगको संयुक्त आयोजनामा जेठ १५ गते नृत्य प्रतियोगिता आयोजना  गरिंदैछ । बिसिएन इभेन्ट म्यानेजमेन्टका प्रबन्ध निर्देशक रञ्जन गुप्ताले स्थानीय प्रतिभालाई मञ्च तथा अवसर दिने उद्देश्यका साथ प्रतियोगिता आयोजना गर्न लागिएको जानकारी दिए ।

प्रहरीको नागरिक सुनुवाइ

बागलुङ- जिल्ला प्रहरी कार्यालयले हरेक दुई महिनामा आफ्ना गतिविधि नागरिक सुनुवाइमार्फत सार्वजनिक गर्न थालेको छ । सामुदायिक सेवा समाजको सहकार्यमा सर्वसाधारणलाई जानकारी दिने गरी सबै गतिविधि सार्वजनिक गर्न थालेको प्रहरी नायव उपरीक्षक सुरेन्द्रबहादुर गुरुङले बताए । कार्यालयले बुधबार फागुन दोस्रो साता देखि वैशाख दोस्रो सातासम्ममा जिल्लामा  भएका सबै घटनाबारे फेहरिस्त प्रस्तुत गर्‍यो ।  
प्रहरी तथ्यांकअनुसार दुई महिनामा सबै घटनामा गरी २५ जनाको ज्यान गएको छ । त्यसमध्ये १० जनाले आत्महत्या गरेका छन् । जिल्लामा जबर्जस्ती करणी, लागूऔषध ओसारपसार र बहुविवाहजस्ता अपराध भएको देखियो । मदिरा सेवन गरी सवारी चलाउने र नियम विपरीत गर्नेलाई पनि ट्राफिक प्रहरीले कारबाही गरेर लाखौं राजस्व संकलन गरेको छ । दुई महिनामा ५ लाख १३ हजार रुपैयाँ राजस्व संकलन भएको छ ।  

वाल्मीकि आश्रममा ँबिओपी’
भरतपुर (कास)- दक्षिण गर्दीको धार्मिक क्ष्ाेत्र वाल्मीकि आश्रममा सीमा निगरानीका लागि बुधबार सशस्त्र प्रहरी सीमा सुरक्षा बेस -बिओपी) स्थापना गरिएको छ । भरतपुरको आँपटारीस्थित सीमा सुरक्षा कार्यालयले बुधबार त्यहाँ पहिलो चरणमा सईको नेतृत्वमा २० सुरक्षाकर्मी तैनाथ गरेको प्रमुख जिल्ला अधिकारी नरेन्द्रराज शमर्ाले जनाए । उनका अनुसार अहिले प्रहरीलाई आश्रममा रहेको हलमा राखिएको छ । आश्रमलाई गुरुयोजनाअनुसार विकास गर्न सहरी विकास मन्त्रालयले चासो दिएको छ । शर्माका अनुसार शुक्रबार आश्रम अवलोकनका लागि सहरी विकास मन्त्री नारायण खड्का आउँदैछन् । मन्त्रालयले आश्रमको १२ बिघा क्षेत्रफल छुट्याउन वन सचिवलाई निर्देशन दिइसकेको छ । आश्रममा रहेका एक दजर्न मानिसका लागि एक वर्षभित्र घर निर्माण गरिने शर्माले जनाए । चितवनमा रहे पनि आश्रम पुग्न नवलपरासी स्थित गण्डक बाँध हुँदै भारतीय भूमिबाट जानुपर्छ ।

मानवअधिकार उल्लंघन बढ्यो
भरतपुर (कास)- राज्य पक्षभन्दा गैरराज्य पक्षबाट यहाँ मानवअधिकार उल्लंघनका घटना बढी भएको पाइएको छ । अनौपचारिक क्षेत्र सेवा केन्द्र -इन्सेक) जिल्ला शाखाले बुधबार सार्वजनिक गरेको तथ्यांकले यस्तो देखाएको हो । तीन महिनायता जिल्लामा मानवअधिकार उल्लंघनका ५२, बलात्कारका ८ र घरेलु हिंसाका ३५ घटना भएको तथ्यांकमा उल्लेख छ । यस अवधिमा अपहरण तथा अपहरण प्रयासमा महिला र बालिका गरी दुई जना, बालअधिकारबाट वञ्चित ८  बालिका, अमानवीय व्यवहारबाट ३ महिला, विभिन्न कारणबाट २ पुरुष र महिला अधिकारसँग सम्बन्धित घटनामा ३७ जना महिला गरी ५२ जना पीडित भएको इन्सेक जिल्ला प्रतिनिधि सावित्री सापकोटाले जानकारी दिइन् । यसैगरी ८ जना बालिका बलात्कृत भएका छन् ।

मैत्रीपूर्ण खेलमा चितवन विजयी
भरतपुर (कास)- नायणगढको क्याम्पस चउर मैदानमा बुधबार भएको ३५ ओभरको एक दिवसीय मैत्रिपूर्ण क्रिकेट प्रतियोगितामा सीएसीएस ऐकेडमी चितवन विजयी भएको छ । एकेडेमीले घरेलु मैदानमा अस्ट्रेलियाको टिम नारारा वाइमिङ्ग क्रिकेट क्लबलाई ९९ रनको फराकिलो अन्तरले पराजित गरेको हो । टस जितेर फिल्डिङ्ग रोजेको नारारालाई चितवनले ब्याटिङ्ग गर्दै पूरै ओभर खेलेर ३ सय १ रनको लक्ष्य दिएको थियो ।

प्रकाशित : वैशाख २५, २०७१ १५:०४
पूरा पढ्नुहोस्
प्रतिक्रिया
पठाउनुहोस्