मकरिगाडमा बगेर एक जना बेपत्ता

मकरिगाडका स्थानीय बहादुरसिंह धामीका अनुसार उनीसँगै नदीमा बगेका प्रेमसिंह धामीलाई भने स्थानीयले उद्धार गरेका थिए । खण्डेश्वरी बजारमा शनिबार राति अपरिचित दुई जनाले दुईवटा पसलमा चोरी गरी भागेका थिए । चोरी गर्नेहरूलाई समात्न जाँदा मकरिगाड खोलामा मोहन र प्रेम बगेका थिए ।

प्रेम बगेको ठाउँदेखि अलिकति तल ढुगांमा अड्किएर बसेकाे अवस्थामा स्थानीयले उद्धार गरेका थिए । मोहन भने बेपत्ता अवस्थामा रहेको बहादुरले बताए । अहिले स्थानीय र प्रहरीहरुले बेपत्ता मोहनको खोजबिन गरिरहेको उनको भनाइ छ । चोरी गर्नेहरू अहिले भागेर खण्डेश्वरी गाउँतिर लागेको बहादुरले जनाए ।