दोधारा चाँदनीमा फेरि चितुवाको त्रास

दोधारा चाँदनी नगरपालिका-३ देवीथान र जमुनाघारीमा ३ वटा बाख्रा खाएको वडाध्यक्ष हरिसिंह धनाडीले बताए । उनका अनुसार स्थानीयले चितुवालाई बाख्रा तान्दै गरेको समेत देखेका छन् ।

‘बाघको त्रासले सबै जना डराएका छन्, फेरि चितुवा देखिएको छ,’ वडाध्यक्ष धनाडीले भने, ‘चितुवा त पहिले पनि आउने र बाख्रा खाने गरेको थियो ।’ वडा नं. ३ भारतमा रहेको जंगलसंगै जोडिएको छ । सोही जंगलबार चितुवा आएको हुन सक्ने स्थानीयको अनुमान छ ।

‘बाख्रा खाएको हेर्दा चितुवा जस्तै छ, तर पाइल केही नदेखिएकाले एकिन गर्न सकिने अवस्था छैन,’ बाख्रा खाएको क्षेत्रमा पुगेका शुक्लाफाँटा रष्ट्रिय निकुञ्जका संरक्षण अधिकृत प्रमोद यादवले भने, ‘स्थानीयले चितुवा देखेको भनेका छन्, तर हामीले हेर्दा केही पनि चिन्हृहरु द्येखिएनन ।’ भारतको वन क्षेत्र संगै जोडिएकाले बाख्रा खाने चितुवा हुन सक्ने उनले बताए ।